Уку елы ахырына якынлашты.Коллектив бердәм тупланып табигать кочагында ял итте.

Бүген мәктәпкә хәзерлек группасы балаларының чыгарылыш кичәсе, балачак хатирәләренең иң кадерле вакыты.

  Чыгарылыш кичәсе... Бу бәйрәм моңсу да, күңелле дә.Күңелле, чөнки ак бантиклы һәм кара галстуклы әлеге сабыйлар иртәгә инде мәктәп бусагасын атлап керәчәкләр. Моңсу да...Чөнки күпме дуслар, әни урынына якын күргән тәрбиячеләр белән хушлашу көне бу. Хәер күңелсезләнеп утырыр чак түгел. Алда зур юллар көтә. Чыгарылыш группасы балаларына якты юллар теләп калыйк. Тормышларындагы һәр чыгарылыш кичәсе үз вакытында булсын.Һәм һәрвакыт якты, күңелле һәм бәхетле узсын!

Сау бул инде, гүзәл бакча,

Безнең җылы оябыз.

Синдә үсеп канат ярдык,

Инде юлга чыгабыз.

Балалар Бүләк урманы янындагы аланлыкка  экскурсиягә бардылар.Табигатьнең уянуын күзәттеләр, аның матурлыгына сокланып хозурландылар.

Һәр группада йомгаклау занятиеләре бара.Бүген  уртанчылар группасында тәрбияче А.А.Нуретдинова  ата-аналарга белем бирү эшчәнлеге күрсәтте.Балаларның  ел буена алган белемнәреннән  әти -әниләре бик канәгать булдылар, рәхмәтләрен белдерделәр.

Май  аенда БМОның  III глобаль юл хәрәкәте иминлеге айлыгы уза. Әлеге айлыкның девизы: "Балалар тормышын коткарыгыз!". Шул максаттан ЮХИДИ хезмәткәрләренә һәм ата-аналарга   тәрбияче Л.Х.Гибадуллина 2 кечкенәләр группасында  белем бирү эшчәнлеге күрсәтте.

15 май -гаиләләр көне уңаеннан  зурлар группасы әти - әниләрне үзләренә чакырдылар, ачык чара күрсәттеләр.Ата -аналар белән бергәләп уйнадылар, чараларда катнаштылар.Балалар бакчасы-балалар -әти-әниләр бергәләп эшләгәндә генә уңышка ирешеп була бит.

Зурлар группасына йөрүче балаларның  ата-аналар җыелышы уздырылды.Җыелышта Актаныш үзәк больницаның балалар  терапевты Гүзәл Наисовна һәм ООО " Страховая компания "Ак Барс Мед" тан катнаштылар.Алар әти-әниләрне мед.полислар, аларның файдалану үзенчәлекләре, түләүсез медицина , электрон чиратка язылу, прививкаларның файдасы турында җиткерделәр.Ата-аналар үзләрен борчыган сорауларына җаваплар таптылар. Җыелыш эшлекле һәм файдалы үтте.

"Үлемсез полк" акциясендә балалар да, әти- әниләр дә актив катнаштылар.Сугыш һәр гаиләгә дә кагылган, һәр гаиләнең дә сугыш кырында ятып калган, яки сугыш яралары төзәлмәгән туганнары турында әйтер сүзләре бик күп булды...

Район күләмендә үткәрелгән ҖИҢҮ БӘЙРӘМЕНДӘ коллектив үзенең концерт номерлары белән чыгыш ясады, һәр номинациядә катнашты. 

Хөрмәтле ветераннар, тыл хезмәтчәннәре! Сезнең барыгызны да олы тантана-Бөек Җиңү  бәйрәме белән котлыйбыз! Сезгә аяз күк йөзе, ныклы сәламәтлек, рухи ныклык һәм иминлек телибез. Илебезгә һәм халыкка аяусыз хезмәтегез, тиңдәшсез батырлыгыгыз һәм рухи ныклыгыгыз  ,бүгенге тыныч тормыш бүләк иткәнегез өчен  сезнең алда зур ихтирам белән баш иябез. Әтиләребез һәм бабайларыбызның, хатын-кызлырыбызның  батырлыклары, алар даны киләчәк буыннар хәтерендә сакланыр.Бөек Җиңү бәйрәме белән!

КАРТАЙМАГЫЗ ӘЛЕ, ВЕТЕРАННАР,

КАРТАЙМАГЫЗ,ӘЙ,ТЫНГЫСЫЗ ҖАННАР!

СЕЗГӘ ТИЕШ ӘЛЕ БИК КҮП ЯЗЛАР,

СЕЗГӘ ТИЕШ ӘЛЕ БИК КҮП НАЗЛАР.