Без бүген  яраткан мультфильмнәрне карадык һәм "Мультфильм геройлары"  кул эшләре күргәзмәсенә сәяхәт иттек.

Бүген безнең коллектив өмәдә катнашты.

Балалар  татар халкының милли бизәге белән таныштылар.Апалары белән бергә кулъяулыклар да чиктеләр.

Уртанчылар группасы балалары вакытны бушка уздырмыйлар. Күптән түгел чәчкән орлыклар  җылы кояш нуры астында тишелеп тә чыктылар, хаттә чүп үләннәре дә күренә башлады.Балалар бик теләп түтәлләрне чүп үләннәреннән чистарттылар.

Ураза бәйрәме мөбәрәк булсын!

Саулыкка ныклык, сәламәтлек, җанга нур һәм рәхәтлек, ризыкка бәрәкәт, күңелгә яктылык алып килсен!

Безнең балалар комлыкта уйнарга бик яраталар.Комнан нәрсәләр генә әвәләп, төзеп булмый.Эһ, бигрәк кызык  та һәм рәхәт  тә бит!

Балаларның иң яратып уйнаган уеннары-бармак уеннары.Бармак уеннары баланың акыл, фикер эшчәнлеген үстерүдә, дөньяны танып- белергә өйрәтүдә төп тәрбия чыганагы. Ул шулай ук өлкәннәр белән балаларның үзенчәлекле аралашу, күңел күтәрү, кәефен яхшырту,көлдерү чарасы булып та тора.Бармаклар белән төрле күнегүләр ясау- балаларның сөйләмен үстерүдә уңай шарт булып тора.

 Балаларны рус теленә өйрәтүдә дә бармак уеннарының роле зур.Зурлар группасы  бүген русча гына сөйләштеләр,"Семья" темасын кабатлап, бармак уеннарын уйнадылар

Балалар хәрәкәтле уеннарны бик яратып уйныйлар.Уен кагыйдәләренә буйсыну балаларда чыдамлык, ихтыяр көче, сабырлык тәрбияли.Балалар үз теләкләрен башкалар белән яраклаштыра, иптәшләре алдында җаваплылык хисе  тоярга өйрәнә.Уеннар никадәр кызыклырак итеп оештырылса, аларның файдасы шулкадәр зуррак була.

   Бүген  зурлар группасында туплы уеннар оештырылды.Балалар рәхәтләнеп уйнадылар, күңел ачтылар.