Илебез буенча октябрь аенда Өлкәннәр көне уздырыла.Бу  уңайдан "Кадерлибез-Сезне өлкәннәр!" дип исемләнгән бәйрәм кичәсенә лаеклы ялда булган өлкәннәребезне чакырдык.Бу чара гаиләдә өлкәннәр тәрбиясен көчәйтү, өлкәннәргә карата мәрхәмәтле, ихтирамлы булырга өйрәтү максатыннан үткәрелде.

 Бәйрәм кичәсендә зурлар группасы балалары өлкәннәребезгә багышлап тәрбиячесе  Нуретдинова Алмазия Абелфатиховна, музыка җитәкчесе Салихова Чулпан Данифовналар җитәкчелегендә бик күп җырлар җырладылар , шигырьләр сөйләделәр, уеннар оештырдылар.

Бәйрәмнәребезне бизәп,балаларыбызны күәтләп утырган өлкәннәребезгә олы рәхмәтебезне җиткерәбез.

Хөрмәтле өлкәннәребез! Сезне бәйрәмегез уңаеннан кайнар котлыйбыз. Сезгә саулык- сәламәтлек, шатлык -куанычлар, өлыгайган көнегездә тыныч тормыш телибез.

Бүген сезгә сәлам юллыйбыз без,

Сәлам сезгә безнең буыннан!

Бар дөньяны бүләк итәр идем

Әгәр килсә минем кулымнан!

Гомуми ата-аналар җыелышы булды. ФГОСка  күчү,балаларны икетеллелеккә өйрәтү,алда торган бурычлар турында сөйләшенде.

Безнең коллектив  "Кросс  нации-2015" актив катнаштылар.

Республика күләмендә 22 июльдән 22 октябрьгә кадәр "Китапка икенче тормыш бүләк ит" акциясе дәвам итә.Тәрбияче Валиуллова Ирина Ирек кызы мәктәпкә хәзерлек группасы балалары белән  әлеге акциягә кушылып китапларны саклап, кадерләп тоту турында сөйләштеләр.Үзләренең китапларын башкаларга да тәкъдим иттеләр.

Балалар көзге табигатькә экскурсиягә чыктылар.Табигатьтәге көзге үзгәрешләрне күзәттеләр.

Балалар әти -әниләр белән берлектә табигый материаллардан кул эшләре ясап алып килделәр.Аларның ниндиләре генә юк: күз явын алырдай матурлары да, утырып китәргә әзер торган паровозлары да, убырлы һәм су анасы да бар.Оста куллы балаларыбызгы,әти -әниләребезгә  рәхмәтебезне белдерәбез.

Бакчабыздагы көзге муллыклар җыелып беткәч "Сөмбелә" бәйрәме үткәрдек.Бәйрәмгә Көз кызының килүе, бәйрәмне тагын да матурлады

Бүген  1 сентябрь  - Белем көне уздырылды.1 сентябрь иртәсе кояшлы да, болытлы да,яңгырлы да була.Әмма аларның һәрберсе күңелдә кояшлы булып сакланып кала. Чәчәктәй киенеп, кулларына чәчәк бәйләмнәре тотып, һәр бала мәктәпләргә, балалар бакчасына ашыга.

  Хөрмәтле балалар, тәрбиячеләр, ата-аналар!

Бәйрәм белән! Яңа уку елында яңадан -яңа уңышлар, сәламәтлек, шатлыклар юлдаш булсын.

Яңа уку елына әзерлек буенча безнең балалар бакчасы иң яхшылар рәтендә.

Район күләмендә үткән "Өй алдыбыз гөлбакча -2015 " бәйгесендә  балалар бакчалары арасында 1 урынга лаек булдык.