"Кошларга  ярдәм итик" акциясе дәвам итә. Укучыларыбыз җимлекләргә ипи валчыклары, көнбагыш, арпа, бодай  ярмалары, пешкән дөге, туң май кисәкләре салып  өй бакчаларыбызга  элеп куйдылар.  Шуны онытмагыз! Кошларга кара ипи, тозлы сало, кыздырган көнбагыш бирергә ярамый, ул аларның сәламәтлегенә бик күп  зыян китерергә мөмкин.

                  Яңа Кенәр мәктәбендә Арча районы башлыгы призына милли көрәш буенча турнир узды. Әлеге ярышта мәктәбебез укучылары Валиахметов Дияз, Влиахметов Әмир, Губаев Алмаз 1 нче урынны яуладылар. Егетләрне чын күңелдән котлыйбыз. Киләчәктә уңышлар, тагын да зур җиңүләр телибез! Тренерлары Галиев Р.Ф. 

              2 нче класс укучылары мәктәбебездә узучы "Кошларга ярдәм итик" акциясендә актив катнаштылар. Кошларга төрле-төрле җимлекләр ясап алып килделәр.

                   Мәктәбебездә "Пушкинская карта" проекты кысаларында  Арча мәдәният йорты хезмәткәрләре "Тамчы-шоу" интеллектуаль-бәйгесе үткәрделәр. Уенда "Ялкын" һәм "Тукай оныклары" командалары көч сынашты. Бәйге дәртле җырлар белән кызыклы һәм мавыктыргыч итеп оештырылды. Укучылар үзләренең ныклы белемнәрен күрсәттеләр, катнашучыларга дипломнар тапшырылды. 

Озынайтылган көн төркеменә йөрүче укучыларыбыз арасында төрле-төрле конкурслар үткәрелеп тора. Шуларның берсе - "Оста рәссам". 

Физкультура дәресендә укучыларыбыз рәхәтләнеп саф һавада чаңгы шуалар.

                  Бүген мәктәбебезнең туган тел һәм әдәбият укытучысы Закирова Фәнүзә Рафаэль кызы һәм география фәне укытучысы Гәрәпшин Рәдиф Миннехан улы Түбән Мәтәскә урта мәктәбендә үткәрелгән "Ел укытучысы- 2022" бәйгесендә катнаштылар. Эш тәҗрибәсе белән уртаклашып, югары дәрәҗәдә дәрес һәм мастер-класс күрсәттеләр.

               "Арча" спорт комплексында 2010-2011 нче елгы егетләр һәм кызлар арасында волейбол ярышлары булып узды. 7 команда арасында безнең җыелма мәктәп командасы 3 нче урынны яулады. Тренер Гатауллин Н. 

                                  Арча муниципаль районы мәгариф учреждениеләре профсоюзы әгъзалары арасында шашка ярышларында мәктәбебез укытучысы Зәйнуллин Х.Х. 1 нче урын яулады. Зур җиңүе белән чын күңелдән котлыйбыз. Киләчәктә дә зур уңышларга ирешергә язсын. 

               7 нче класс укучысы Миннебаева Диләрәне республика күләмендә үткәрелгән "Новогодняя эвезда" конкурсында 1 нче урынны алуы белән котлыйбыз.Киләчәктә зур уңышларга ирешергә язсын.