Бүген районыбызда Укытучылар көненә багышланган зур бәйрәм үтте. Безнең мәктәп коллективы да бу тантаналы чарадан читтә калмады. Иң куанычлысы: мәктәпнең тәрбия эшләре буенча директор  урынбасары Әхмәтҗанова Энҗе Госман кызы Татартсан Республикасы Мәгариф һәм Фән министрлыгының Мактау грамотасы белән бүләкләнде. Шулай ук район укытучылары көче белән оештырылган "Тукай иҗатын чагылдырган экспресс-поезд дип исемләнгән чәчәк фестивалендә 1 нче урынны алган өчен Мактау грамотасы белән бүләкләндек. Котлыйбыз! Уңышларыбыз уңышларга ялгансын!

          Бүген мәктәбебездә Укытучылар көненә багышланган бәйрәм үткәрелде. Бәйрәм чарасы матур җырлар, биюләр белән үрелеп барды. Укытучыларны котлап укучылар открыткалар бүләк иттеләр.

       Илебез буенча 1 октябрьдә Өлкәннәр көне билгеләп үтелә. Мәктәбебез укучылары , музыка укытучыбыз Нигматзянова А.Р. җитәкчелегендә, өлкәннәребезне котлап бик матур, эчтәлекле чыгыш ясадылар.

             Октябрь - бәйрәмнәргә бай ай. 1 нче октябрь - Өлкәннәр көне булса, 5 нче октябрь- Укытучыларның һөнәри бәйрәм көне. Өлкәннәр көне, үзенә күрә көз бәйрәме кебек, кешенең гомер көзе - үстергән балаларының, укыткан, тәрбияләгән укучыларының игелеген күрү, хезмәтенең җимешләрен татуга тиң. Без дә үзебезнең лаеклы ялда булган өлкән буын укытучыларыбызны бәйрәм бедән котладык. Аларга хөрмәтебез, ихтирамыбыз чиксез!

            Мәктәбебезнең профсоюз комитеты рәисе Закирова Ф.Р. профсоюз члены Гарифуллина Ф.Ф.га тиешле еллар эшләгәнгә бирелә торган пенсияне алу өчен документлар рәсмиләштерергә ярдәм итә.

        Мәктәбебездә көзге "Уңыш бәйрәме" үткәрелде. Укучыларыбыз бәйрәмгә бик тырышып әзерләнгәннәр. Туган телебездә көз турында шигырьләр  сөйләделәр, табышмакларның җавапларын таптылар, матур җырлар җырладылар, халкыбызның гореф -гадәтләрен саклаган уеннар уйнадылар.

     Атнаның һәр сишәмбе көнендә гомуми мәктәп линейкасы үткәрелә. Линейкада узган атнада эшләнгән эшләргә нәтиҗә ясала, алдагы атнага эшлисе эшләр белән таныштырыла. 

Туган телләр елы уңаеннан 6 класста "Татар халкының милли ашлары" темасына  тәрбия сәгате үтте. Укучылар "Татар милли ашлары" исемле китап белән таныштылар, милли ризыклар турында белделәр, ашау әдәбе кагыйдәоәрен өйрәнделәр.

          Мәктәбебез укучылары ГТО фестивалендә уңышлы чыгыш ясадылар. Усманова А.- 2 нче урын, Әхмәдуллин Р.- 5 нче урын, Бәдретдинов К.-6 нчы урын, Мортазин И. - 3 нче урын, физик тәрбия укытучыбыз Зәйнуллин Х.Х. - 1 нче урын яуладылар.