15 февраль- патриот шагыйрь Муса Җәлилнең тууына 110 ел. Бу уңайдан мәктәбебезнең татар теле һәм әдәбияты укытучылары А. М. Җамалиева һәм Г. Р. Җәләлетдинова аерым план төзеде. Планда шагыйрьнең тормыш юлы һәм иҗатын тирәнтен өйрәнү күздә тотыла. Укучыларга тулы мәгълүмат бирү максатыннан бүген  " Җыр өйрәтте мине хөр яшәргә" дип исемләнгән чара уздырылды. Әлеге чарада укучылар да үз белемнәрен күрсәтте, актив катнаштылар.

12 февральдә уртак эшчәнлек планы нигезендә башлангыч класс укучылары Яңа Кишет балалар бакчасында тәрбияләнүчеләр белән очраштылар.  Укытучы Фазылҗанова Г.Н. кечкенә Апушның тормышы турында сөйләде,презентация күрсәтте. Кечкенәләр  тәрбияче Зөлфия Вильсуровна  белән берлектә Тукай әсәрләрен сәхнәләштергәннәр.Бик матур чыгыш ясадылар. 

12 февральдә 9 класс укучылары  Әфган сугышы турында чыгыш ясадалыр. Әфганстан сугышында катнашкан якташларыбызны искә алдылар. “Илдә тынычлык булсын өчен бар тырышлыгыбызны куярбыз”,- диделәр. 

12 февральдә 1-4 класс укучылары өчен Фазылҗанова Г.Н.   патриот шагыйрь Муса Җәлилнең тууына 110 ел тулуга багышлап  “Салют сиңа- Муса Җәлил” дигән темага тәрбия сәгате үткәрде. Укучылар  шагыйрьнең шигырьләрен сөйләделәр. 4 класс укучысы Җамалиева Ралинә 1 урынга, 2 класс укучысы Шараков Радмир 3 нче, 3 класс укучысы Сәләхиева Айсылу  3 урынга лаек дип табылды. Чарада Яңа Кишет китапханәсе мөдире Надия Ризвановна катнашты.

2-3 нче класс җитәкчесе Г.И.Гараева  "Җиңү килде җирне нурга күмеп" темасы буенча тәрбия сәгате үткәрде. 

7 нче класс җитәкчесе Н.Ш.Габдрахманова "Безнең геройлар" темасы буенча тәрбия сәгате үткәрде. 

6 нчы класс укучылары класс җитәкчеләре Ибраһимова Г.Р. җитәкчелегендә “Ватанны саклаучылар кемнәр алар?” дигән тема астында класс сәгате уздырдылар.

Укучылар Ватанны саклаучылар нинди сыйфатларга ия булырга тиешлеге турында сөйләштеләр.

11 февраль көнне башлангыч класс  укытучылары Гараева Г.И.    татар теленнән, Фазылҗанова Г.Н.  математикадан ачык дәресләр күрсәттеләр. Дәресләр бик җанлы үтте. 

11 февраль көнне мәктәбебезнең 8 класс укучысы Айтуган Фазылҗанов    “Ярдәм»  мәчетендә «Идел» журналының декабрь санында игълан ителгән «Коръән» бәйгесенең  йомгаклау тантанасында катнашып кайтты. Катнашучыларның  һәрберсенә Коръән һәм сувенир көндәлекләр тапшырылды. Тантанада  Коръән-хафизлар әзерләү үзәге җитәкчесе, «Коръән нуры» хәйрия фонды рәисе Ибраһим хәзрәт Сабиров, Татарстан мөфтие урынбасары, «Ярдәм» үзәге җитәкчесе Илдар хәзрәт Баязитов, «Ярдәм» фонды җитәкчесе Илһам әфәнде Исмәгыйлев, «Коръән нуры» хәйрия фонды рәисе урынбасары Алинә Бикмуллинага  катнашты.