Бүген классларда “Сак булыгыз: грипп!” дип исемләнгән класс сәгатьләре узды. Укучыларга гриппның иң куркыныч вируслы авыру булуы, йогышлы, тиз тарала, берьюлы зур халык катламнарына зыян китерергә мөмкин икәнлеге аңлатылды. Гриппны аяк өстендә үткәрергә ярамаганлыгы, вакытында табибка күренергә кирәклеге һәм авыруны мөмкин кадәр иртәрәк дәвалый башлау мөһим икәнлеге искәртелде.Күбрәк саф һавада йөрергә, бүлмәне ешрак җилләтергә, көндәлек режимны үтәргә, дөрес тукланырга һәм температурага туры килерлек кием кияргә кирәклеге әйтелде.

Нәрсә соң ул китап? «Китап …Ике катыргы арасына тыгызлап тутырылган чуар кәгазь. Бары шул гына, ә яхшылап уйлап карасаң ,ул – кешеләр уйлап чыгара алган сирәк могҗизаларның берсе. Могҗизаларның могҗизасы»,- дип язган татар язучысы Ибраһим Гази. Укучыларның сөйләм телләрен, фикерләү сәләтләрен үстерү, таушалган китапларны яңартырга өйрәтү, китап укуга кызыксыну тәрбияләү максатыннан, 7 нче ноябрь көнне,   1-3 класс укучылары белән “Китаплар иленә сәяхәт” дип исемләнгән кичә уздырылды.

29 нчы октябрь көнне Сәрдәбаш башлангыч мәктәбендә ата – аналар җыелышы булды. Җыелышта 1 нче чирек нәтиҗәләре, мәктәпнең эшчәнлеге темаларына чыгышлар тыңланды. Фикер алышуда  әти –әниләр  актив катнаштылар.

Географик диктант язу 12:00 сәгатьтә башланды. Владимир Путин инициативасы белән үтә торган мондый күләмле акция Рус география җәмгыяте тарафыннан быел беренче  тапкыр узды. Анда уннан артык кеше катнашты. Акциядә катнашучылар 8-9 класс укучылары иде.   Диктант язучылар 30 бирем сорауларына язмача җавап бирделәр. Биремнәр җиңел түгел. Кайбер сорауларга 1-2 минут эчендә җавап бирү таләп ителсә, аерым сорауларның дөрес җавабын 30 секунд эчендә белү кирәк иде. Әдәби әсәрләрдән, сәяхәтчеләрнең көндәлекләреннән өзекләр буенча географик объектларны танып белү катнашучыларга аеруча ошады. Диктанттан кем нинди билге алганлыгы әлегә билгесез. Диктант язуда катнашучылар үзләренең бүгенге нәтиҗәләрен уникаль идентификацион номер белән егерме көн үткәч кенә беләчәк. Ә сертификатлар бүген диктант язуда катнашкан һәркемгә бирелде. 

   25 нче октябрьдә Сәрдәбаш башлангыч мәктәбендә “Көзге бал” бәйрәме булды. Кунакка  килгән Сөмбелә белән  бергә укучылар көз турында матур шигырьләр, җырлар , биюләр башкардылар. Көзге җиләк-җимешләр һәм  яшелчәләрдән композицияләр ясап алып килделәр.  Бәйрәм ахырында дискотека булды. Бәйрәм бик күнелле узды.

Алтынчы класс укучылары арасында "Дүрт аяклы дустым" темасына рәсем бәйгесе үтте. Укучылар үзләре яраткан йорт хайваннары турында рәсем ясадылар, рәсемнәре турында сөйләделәр. Һәр укучының рәсеме һәм чыгышы үзенчәлекле булды. 

24 нче октябрь көнне мәктәбебездә көзге бал үткәрелде. Бәйрәм куңелле уеннар, конкурслар, биюләр, җырлар белән үрелеп барды. 

2019 нчы елның 20 октябрендә Башкорстанның халык язучысы Мостай Кәримнең тууына 100 ел. Шул уңайдан мәктәбебездә язучының иҗатын өйрәнү буенча чаралар үткәрелде. Язучының китапларына күзәтү үткәрдек, аның шигырьләренә язылган җырлар тыңладык, спектакльләрдән өзекләр карадык. "Милләтемнең мәңге балкыр йөзек кашы" дип исемләнгән түгәрәк өстәл үткәрдек. 

Сәрдәбаш башлангыч мәктәбе укучылары бу көннәрдә “Көзге бал” бәйрәменә әзерләнәләр. Алар төрле җиләк-җимешләрдән сувенирлар ясыйлар, җырлар, биюләр өйрәнәләр, шигырьләр ятлыйлар. 

Бүген мәктәптә укучылар һәм укытучылар татарча диктант яздылар.