Илебездә 2015 елдан бирле "Үлемсез полк" акциясе уза. Без дә бу чарадан читтә  калмыйбыз. Шушы хәрәкәткә кушылып, 7 май көнне авылыбыз урамнары буйлап сугышта катнашкан туганнарыбызның фотосурәтләрен тотып уздык.

“Агачларны сындырма – кулың корыр”, – дигән сүзләргә никадәр мәгънә салынган. Тирә - юнебезгә яшеллек бирүче,  сулар һавабызны чистартучы урманнарны саклау, агачлар утырту барыбызның да уртак бурычы. Һәркем үзе яшәгән җирне матурларга, сакларга тиеш. Носы төп мәктәбе укучылары һәм укытучылары  да тирә - юнебезне яшелләндерүгә өлеш керттеләр. Мәктәп тау башына чыршы, нарат үсентеләре утырттылар.

8 класс укучылары бәйрәм концерты куйдылар.

Бар күңеллелек бөтен дөньяда бар бер ямь бүген!

-Нәрсәдән бу ?  - Мин беләм: бәйрәм бүген! бәйрәм бүген!

Татар халкының бөек шагыйре Габдулла Тукайның туган көне уңаеннан Сәрдәбаш башлангыч мәктәбендә бәйрәм чарасы булды. Укучылар шагыйрьнең тормыш юлын, иҗатын тагын бер кат искә төшерделәр. Шигырь бәйрәмендә укучылар барысы да Тукайның әсәрләрен  яттан сөйләделәр.

Җырсыз идек, Тукай безне җырлы итте.

Моңсыз идек, Тукай безне моңлы итте.

Син күрмәгән яңа буын килде

Котлап, Тукай, туган көнеңне.

Киләчәккә барган улларыңнан

Ишетәсең “Туган тел”еңне.

Бүген татар халкы бөек улы Габдулла Тукайның 133 еллыгын билгеләп үтә. Мәктәбебездә иртәдән бәйрәм рухы! Укучылар һәм укытучылар бу көнгә тырышып әзерләнделәр. Башлангыч сыйныф укучылары шагыйрьнең әсәрләрен сәхнәләштерделәр, 5-9 нчы сыйныф укучылары арасында сәнгатьле уку конкурсы үтте. 

Бүген чишмәләрне чистарттык. Укучыларның чишмәләргә уңай карашы сөендерә. Туган як чишмәләрен карап тору, аларны чистарту - безнең төп бурыч.

2-4 класс укучылары бүген туган тел көненә багышланган кысада катнаштылар. 9 класс укчылары Тукай эзләре буенча дигән уен уздырдылар. Укучылар бик күп яңа мәгълүмәт алдылар.

7 нче сыйныф укучылары Сагитова Н. һәм Төхфәтуллина Г.  Арчаның икенче мәктәбе базасында үткән «Экологическая безопасность современных социально-экономических систем в ракурсе Хартии Земли»  фәнни-гамәли конференциясендә катнашып, уңышлы чыгыш ясадылар.

Бүген өмәдә актив катнаштык.