Балаларга сәламәт булу өчен шәхси гигиена кагыйдәләрен үтәргә кирәклеген төшендерү, сәламәт яшәү рәвеше алып баруга кызыксыну уяту, чисталык-пөхтәлек тәрбияләү максатыннан “Шәхси гигиена кагыйдәләрен үтәү- сәламәтлекнең нигезе” темасына әңгәмәләр үткәрелде.

Сәламәтлек көненә багышлап мәктәптә волейбол ярышы үткәрелде.

Халыкара инвалидлар көне уңаеннан 9 нчы сыйныф укучылары Носы авыл китапханәсендә Фәнис Яруллинның “Хәтер төпләрендә утлы күмер” китабы буенча түгәрәк өстәл үткәрделәр.

 6 класс укучылары  Хәбир Ибраһимның  “Төпчек малай  маҗаралары” исемле китабыннан “Квартет” әкияти - тамаша күрсәттеләр. Вакыйга урманда бара. Аю, ишәк, кәҗә, маймыл һәм укучы кыз-Гөлҗамал квартет оештыралар. Алар уен коралларында уйный белмиләр, шуңа театр уйнап карарга булалар. Алар Габдулла Тукайның “Кәҗә һәм Сарык” әкиятен куярга булалар. 

Һәр елны 3 декабрь – физик мөмкинлекләре чикләнгән кешеләр көне буларак билгеләп үтелә. Тормыш сынаулары алдында югалып калмаучы, ихтыяр көчен, сабырлыгын юлдаш итеп яшәргә омтылучы  кешеләр белән таныштыру, укучыларда   әйләнә –тирәдәгеләргә карата игътибарлылык, мәрхәмәтлелек, шәфкатьлелек  хисләре тәрбияләү, игелекле кешеләр һәм аларның башкарган эшләре белән таныштыру максатыннан “Бөртекләп җыелган гомер” темасына сыйныф сәгатьләре уздырылды.

3 декабрь-“Билгесез солдат көне”. Илебез тарихында иң дәһшәтле саналган Бөек Ватан сугышында миллионлаган кешенең гомере өзелде. Сугыш кырларында билгесез югалганнар саны да меңәрләгән. Бу көн барлыкка килүгә фронтта һәлак булып, билгесез югалган дип исәпләнгән сугышчыларның туганнары, оныкларының аларның каберләренә барып рәхмәт һәм хөрмәт белдерә алмаулары төп этәргеч булды.  Мәктәбебездә “Исемең синең билгесез, Батырлыгың мәңгелек” дигән темага тәрбия сәгатьләре үтте. Укучылар презентация буенча бу көн турында тарихи мәгълүматлар белән танышттылар.

«Проект» - фарсы теленнән алга атлаучы, алдан баручы дигәнне аңлата. Проект методын куллану – ул алган белем һәм күнекмәләрне системалаштыру, «белү һәм белмәү» зонасында мөстәкыйль эшчәнлек кору, фәннәр арасында бәйләнеш табу, дулкынландырган проблеманы билгеләү, чишү юлларын табу, эш нәтиҗәсен тәкъдим итә алу. Проект методының асылы: укучылар укытучы җитәкчелегендә эзлекле рәвештә проектлар эшлиләр, проект өстендә эшләгәндә өстәмә информация туплыйлар һәм һәр этапка рефлекция ясыйлар. 5 нче сыйныф укучылары туган телдә әдәбият дәресендә “Мәзәкләр” темасына проект эше башкардылар.

   Бүген мәктәбебездә тарих-география атналыгы башланып китте. Шул уңайдан, 5 нче класс укучылары арасында “Борынгы заман табышмаклары” дигән интеллектуаль уен үткәрелде. Уен барышында “Тапкырлар” һәм “Зирәкләр” командасы көч сынашты.  Укучылар тарих фәне буенча алган белемнәрен күрсәттеләр.  Уен “Тапкырлар” командасының җиңүе белән тәмамланды.

1 декабря в МБОУ «Нусинская ООШ» проходили классные часы, посвященные Всемирному Дню борьбы со СПИДом. Педагоги информировали  учащихся 7- 9 классов о проблемах, связанных с этой болезнью.Прививали обучающимся навыки  здорового образа жизни. Учащиеся сделали плакаты «Мы выбираем жизнь», «Мы против СПИД!» с использованием красной ленты – символом борьбы со СПИДом. Очень важно формирование общественного сознания и гражданской позиции подростков в области обеспечения безопасности от ВИЧ-инфекции и СПИДа.

Мәктәбебездә театр атналыклары үткәрү матур гадәткә керде. Ел саен 1-9 сыйныф укучылары сыйныф җитәкчеләре ярдәмендә әзерләнгән спектакльләр күрсәтә. Театр һәр балага күп санлы комплекслардан арынырга, үз көчеңне тикшерергә һәм үз эшеңнән канәгатьләнү хисе алырга, ә кайвакыт сәләтеңне ачарга ярдәм итә. 3 нче сыйныфлар  “Торна белән Төлке” рус халык  әкиятен сәхнәләштерде.