Укучыларга сәламәтлекнең матур гомер итү өчен мөһим шарт икәнлеге турында тәрбия бирү, яшь буынны сәламәт яшәү рәвешенә өйрәтү, зарарлы гадәтләрнең сәламәтлеккә зыян китерүен аңлату, олыларның, әти-әниләренең киңәшләренә колак салырга өндәү максатыннан  “Сәламәт яшәү рәвеше” темасына класс сәгатьләре уздырылды.

1 декабрь - Бөтендөнья СПИДка каршы көрәш көне. Бу көн ВИЧ – инфекциясе таралуын һәм ВИЧ – инфекция эпидемиясенең афәтле нәтиҗәләрен киметү өчен авыру турында халыкның хәбәрдар булырга тиешлеген искәртү көне булып тора. Бу дата ел саен бөтендөнья җәмәгатьчелеген ВИЧ – инфекциясе турында онытмыйча, бу авыруны йөртүче кешеләргә сабырлык күрсәтергә дә чакыра.   7-9 сыйныфларда шушы датага багышланган сыйныф сәгатьләре үтте. Чара барышында наркомания, СПИД кебек афәтләрнең кешелек дөньясы өчен никадәр куркыныч тудыруы турында мәгълүмат бирелде, төркемнәрдә тикшерү өчен ситуацион мәсьәләләр тәкъдим ителде, танышу өчен китап күргәзмәсе дә оештырылган иде.

30 нчы ноябрь көнне 5 нче класс укучылары Кафия Вәлиевнаның  «Үрдәк беренчелекне алган» дигән театраль тамаша тәкъдим иттеләр. Укучылар үзләренең җырга, биюгә осталыкларын күрсәттеләр.

27 нче ноябрь көнне, мәктәбебезнең 2 - 4 сыйныф укучылары Абдулла Алиш әкиятенә нигезләнеп язылган "Куян малае" әкиятен сәхнәләштереп күрсәттеләр.

Хезмэт эшчәнлеге аша, кызларда татар халкының сәнгатенә, мәдәниятенең бай тарихына кызыксыну уяту, ихтирам тәрбияләү.

Җәмгыять белеме укытучысы Төхфәтуллина Р.Р "Кеше хокуклары" Бөтенроссия Бердәм дәресе үткәрде. Укучылар дәрестә «Кеше хокуклары» тарихы турында сөйләштеләр, Кеше хокуклары гомум декларациясенең кыскартылган варианты турында фикер алыштылар.

Кышкы чор - кошлар өчен бик авыр вакытлар.Үсемлек орлыклары калын кар астында калды, кошлар азык таба алмыйлар. Сәрдәбаш башлангыч класс укучылары мәктәп янындагы агачларга җимлекләр элеп куйдылар. Көн саен кошларга җим салып торалар.

 8 нче класс укучылары тамашачылар игътибарына Хәбир Ибраһимның “Төпчек малай маҗаралары” дигән әкияти маҗара тәкъдим иттеләр. Спектакльне  тамашачылар яратып карадылар, рольләрне башкаручыларны алкышларга күмделәр.

Берләшкән  Милләтләр  Оешмасы  резолюциясе нигезендә  2005  елның  26  октябреннән  башлап, ноябрь  аеның  өченче  якшәмбесе  ел  саен  юл-транспорт  фаҗигаларында  һәлак  булучыларны искә  алу  көне  буларак  билгеләп  үтелә.  Аның  максаты  - киң  җәмәгатьчелекне  юл куркынычсызлыгы  мәсьәләләренә  юнәлдерү,  юллардагы  үлем-җитемнәрне,  тән  җәрәхәте  алу очракларын  киметү,  башбаштаклыкларга  каршы  чыгу. Шушы уңайдан мәктәбебездә юл хәрәкәте корбаннарын искә алуга багышланган күп төрле чаралар уздырылды.

СӘЛАМӘТЛЕК-  кешенең иң зур байлыгы. Сәламәт булганда гына кеше үзенең теләкләренә ирешә, әйләнә тирәдәге матурлыкны таный ала, җәмгыять тормышында актив катнаша, тормыштан ямь таба, шаяра уйнный, көлә,  хыяллана , хыялын тормышка ашыра ала .