Бүген 5- 9 класс укучыларының чыршы бәйрәме үткәрелде. укучылар әлеге бәйрәмгә алдан ук тырышып әзерләнделәр. Төрле костюмнар әзерләделәр, матур җырлар, биюләр өйрәнделәр.  Кыш бабай һәм Кар Кызы килгәч бәйрәм тагын дә ямьләнеп китте. Яңа еллар һәркемгә бәхет-шатылк, куанычлар гына алып килсен!

Әзәк башлангыч мәктәбендә 25 декабрь көнне "Хуш киләсең,Яңа ел!" кичәсе  үткәрелде. Бәйрәмгә  авыл халкы, укырга кермәгән балалар да килгән иде. Балар үзләренең өйрәнеп килгән шигырьләрен  Кыш бабай белән Кар кызына  сөйләделәр , күчтәнәчләр алдылар. Уеннарда актив катнаштылар. Бәйрәм күңелле үтте.

Яңа ел бәйрәменә газета чыгарабыз.

Безнең Миньон  бик матур килеп чыкты.

Болыннар буйлатып,

Кыш бабай,суык бабай!

Мәктәп алдында безне Кыш бабай һәм Кар Кызы каршы ала.

18 декабрь көнне Әзәк башлангыч мәктәбендә "Серле сандык" фольклор кичәсе булды. Мәктәптә кечкенә генә музей бар .  Укучылар  музейга дип, авыл халкыннан кулланылышта булмаган, борынгы әйберләр җыйдылар. Ул әйберләрнең  ни өчен кулланылганлыгы, нигә кирәк булганлыгы турында укучылар  һәм укытучы сөйләп , әти-әниләргә тәкъдир иттеләр. 

Бүген югары класс укучылары Арча яшүсмерләр белән эшләү комиссиясе җаваплы сәркатибе Завялова Л.Н. һәм әлеге комиссиянең инспекторы Гарипова Й.Р.  белән очрашуда катнаштылар. Завялова Л.Н. һәм Гарипова Й.Р. егетләр һәм кызлар белән аерым сөйләшүләр алып бардылар, комиссиянең эш тәртибе һәм укучыларга куелган таләпләр белән таныштырдылар, укучыларны кызыксындырган сорауларга җавап бирделәр. Мондый очрашулар  бик файдалы һәм кирәкле. 

5-9 класс укучылары Арча Мәшгүльлек үзәге уздырган "Киләчәккә билет" район сочинениеләр конкурсында актив катнаштылар. 8 класстан Ахмәтҗнов Алмаз, Фазлиева Илүзә, 9 класстан Хөсәинов Илнар, Зарипов Рәмис диплом белән бүләкләнделәр. Молодцы, укучылар!

Төп Дәүләт Имтиханына  әзерлек  кече  класслардан ук системалы рәвештә алып   барыла.  7 нче класстан ук укучылар А, В тибындагы агымдагы тестларны да махсус бланкларга эшләп өйрәнәләр.

Яңа ел алдыннан мәктәп алдын матур -матур кар сыннары белән бизи башладык.