Чакыра, тагын чакыра

Кыңгырау классларга.

Бүгеннән -  Белем көненнән

Уку елын башларга.

Бүген мәктәбебездә Белем бәйрәме булды. Һәр укучы җәйге яллардан соң кулларына чәчәк бәйләмнәре тотып мәктәпкә ашкынды. Бәйрәм башында Хәйсәр Равилович укучыларны, укытучыларны бәйрәм белән котлады, изге теләкләр теләде, яңа уку елына бурычлар билгеләде. Узган уку елын "5"ле билгеләренә генә тәмамлаган укучыларны бүләкләде. Шулай уку килгән кунаклар да бәйрәм белән котлап үзләренең теләкләрен җиткерделәр. Бәйрәм җыр, шигырләр, котлаулар белән үрелеп барды.

Кадерле укучылар, укытучылар, хөрмәтле ветераннар, әти-әниләр!  Барыгызны да Белем бәйрәме белән тәбрик итәбез! Эшегездә, укуыгызда уңышлар, бәхет-шатлыклар, гаиләләрегезгә иминлек, илебезгә тынычлык телибез. Яңа уку елы барыбызга да сөенечләр генә алып килсен!.

Яңа уку елы башланып китте. Беренче дәресне 6- 7 класс укучылары "Тынычлык"  темасына багышланган тәрбия сәгате белән башлап җибәрделәр.

Арча шәһәре стадионында уздырылган укытучылар Сабантуенда физик культура укытучысы Ситдиков Айрат үзен бик күп уеннарда сынап карады.

Укытучылар Сабантуенда татарның бөек шагыйре Г.Тукайның 130 еллык юбилее уңаеннан оештырылган "Тукай - безнең йөрәкләрдә" исемле шигырь сөючеләр конкурсында 9 класс укучысы Саттарова Наилә "Китмибез" шигырен сөйләде.

Укытучылар көче белән иҗат ителгән "Чәчәкләр күргәзмәсе"ндә  безнең гүзәл чәчәгебез! 

Быел бөек татар шагыйре Габдулла Тукайның тууына 130 ел була. Без сөекле шагыйребезне онытмыйбыз, аны зурлыйбыз, хөрмәтлибез.  Укучылар аның шигырьләрен, хикәяләрен яратып укыйлар. Башлангыч сыйныф укучысы Хөсәенов Илназ Тукайның "Кызыклы шәкерт" шигыренә агачтан поделка ясады.

Бүген Арча шәһәрендә мәктәп ярминкәсе оештырылды. Әлеге ярминкәдә безнең мәктәп тә актив катнашты. Күптөрле яшелчәләре: бәрәңге, кишер, суган, кыяр, помидор, төрледән-төрле кайнатмалар, салатлар, дару үләннәрен сатып алучыларга тәкъдим иттек.  Көне яңгырлы булуга карамастан, без ярминкәдән канәгать калдык. 

Педагогик совет утырышы

Бүген районыбызда мәгариф хезмәткәрләренең август киңәшмәсе булды. Киңәшмә барышында  мәктәпләрнең эшчәнлеген күрсәтү максатыннан оештырылган күргәзмәдә мәктәбебез "Белем сыйфаты"  стенды белән катнашты.