Хәсән Туфанның тууына 115 ел булу уңаеннан Республика "Дулкыннар " конкурсына 11 класс укучылары Юсупова Нурзилә һәм Габделганиева Наиләнең иҗат эшләре җибәрелә.

Бүген "Самостоятельные дети" проектында катнашучылар "Сәламәт әни-сәламәт бала" акциясе уздырдылар. Үзәк урамда әниләрне Әниләр бәйрәме белән котладылар, аларга буклетлар , "йөрәк"ләр өләштеләр.Кояш, җылылык символы итеп оранжевый ленталар бәйләделәр.

21 ноябрь көнне укучыларыбыз биологиядән олимпиадада катнаштылар. 7 класс укучысы-Хадиев Илгиз - 8 урында, 8 класс укучысы - Каримов Камиль - 4 урында,

9 класс укучысы - Сагдуллин Айзат - 6 урында, 11 класс укучысы - Хасанова Гөлназ - 3 урында һәм 10 класс укучысы - Усманов Салават катнашты. Укучыларыбызга уңышлар телибез.

Бүген 9 класс укучылары рус теленнән пробный гиа тапшыра. Уңышлар телибез!

22 ноябрь көнне Шушмабаш урта мәктәбен тәмамлап төрле югары уку йортларында укучы - студентларыбыз белән берлектә Арчада үткәрелгән "Студенческий форум - 2014" тә катнаштык.Форум - кункакларны каршы алу,папкалар өләшү,анкеталар уздыру,чәйләр эчертү белән башланып китте.Тантаналы өлеш бик матур итеп ачылды, Арча районы исполком җитәкчесе - Ильшат Габделфартович Нуриев тарафыннан сәламләү чыгышы булды.Чыгыш ясадылар: мәгариф,авыл хуҗалыгы, мәдәният идарәсе җитәкчеләре,Арча үзәк больницасы ,яшьләр эше,спорт һәм туризм ,архитектура һәм капиталь төзекләндерү бүлекләре һәм яшьләр оешмалары җитәкчеләре.Һәр өлкә чыгышы видео-презентацияләр белән тулыландырылды,җыр-бию белән үрелеп барды.Студентларның проектлары,эзләнү эшләре тыңланды. Җитәкчеләр барлык укучыларга уңышлар теләделәр.Аларга туган районыбызда эш урыннары көткәнен,авыл җирләрен дә дә,авылда да яшьләр кирәклегенә басым ясадылар. Студентлар форумының резолюциясе кабул ителде. Форум дискотека белән тәмамланды.Безгә әлеге чара бик охшады.Районыбыз җитәкчеленә безне зурлаулары өчен рәхмәтебезне белдерәбез.

Бүген мәктәптә барлык классларда Парламент дәресләре булып үтте. Эчтәлекле презентацияләр, бай мәгълүматлар аша класс җитәкчеләре укучыларга илебезнең бүгенгесе, киләчәге хакында җиткерделәр.

20 ноябрь көнне 11 класс укучылары литературадан сочинение язып карадылар

Кичә һәм бүген мәктәбебез укучылары инглиз теле олимпиадасының муниципаль турына барып көчләрен сынап кайттылар. Кичә язма өлешендә катнашсалар, бүген телдән җавап бирделәр.

Шушмабаш урта мәктәбе укучылары Яшь ТНВ каналы белән һәрдаим элемтәдә тора. Малайларыбыз  “Без – Тукай оныклары” сәхифәсендә матур итеп шигырьләр укыйлар, ә кызларыбыз әлеге каналның даими алып баручылары.