Мәктәп укучылары сыерчыклар килүен оялар ясап көтеп торганнар.

Яз җиткәнен белгәннәр,

Сыерчыклар килгәннәр,

Ояларны күргәннәр,

Сайлап-сайлап йөргәннәр.

    25 нче март көнне балалар иҗаты Йортында 2004 елгы һәм аннан яшьрәк балалар арасында Татарча көрәш ярышлары булып узды. Барысы 9 мәктәптән көрәшчеләр катнашты. Әлеге ярышларда 5 нче сыйныф укучылары Сафин Илназ - 2 нче, Кәримов Инсаф - 3 нче урынны яулады. Егетләребезне зур уңышлары белән котлыйбыз. ( Тренер - М.Г. Әхмәдиев)

    Бүген Түбән Мәтәскә урта мәктәбендә укытучылар өчен Сингапур укулары оештырылды. Район мәгариф бүлеге методисты Гатауллина Л.М. җитәкчелегендәге укытучы, методистлар укуларның асылына төшендерделәр:теория практик өлеш белән аралаштырылды. Структураларны дәресләрдә куллану мөмкинлекләренә күбрәк тукталдылар. Әлеге укулар мәктәбебез коллективы өчен бик файдалы булыр дип уйлыйбыз.

             Бүген мәктәбебез укытучылары  Иске Чүриле мәктәбендә волейбол ярышында катнашып кайттылар. Ярышка команда капитаны Шәмсемөхәмәтова Гөлназ җитәкчелегендә Хәбирова Рая, Сәгыйдуллина Чулпан, Мәҗитова Рузия, Заһидуллина Гөлгенә, Нәгыймова Равилә, Шәфыйкова Гөлүсә бик тырышып әзерләнделәр. Спорт чыдам һәм тырышларны ярата. Молодцы,кызларыбыз!

     Арча муниципаль районында  мәктәпләрдә үткәрелүче спорт  түгәрәкләренә зур  игътибар бирелә.Укучылар сараеның Сикертән төп гомуми белем мәктәбендә эшләп килүче “Туризм” түгәрәге уңышлы эшләп килә. 24 нче март көнне Набиуллин Р.Р. җитәкчелегендә 4 укучы ( 6 нчы сыйныф укучысы Шәмсемөхәмәтова Гөлшат, 8 нче класс укучылары Заһидуллин Илнур, Нургаянов Риназ, Асхадуллина Гөлнар) Арча стадионында үткәрелгән “Чаңгы туризмы” ярышында катнашып 3 нче урынны алдылар. Укучыларга рәхмәт белдерәбез, алдагы ярышларда уңышлар телибез.

        Габдулла Тукайның 130 еллыгына багышланган " Һәр тарафтан Тукай җырын тоям, сукмагымда - Тукай эзләре" исеме астында Сикертән авылы мәдәният йортында оештырылган район фестиваленең зона этабында мәктәбебез укучылары һәм укытучылары катнаштылар һәм чыгыш ясадылар. Тукай иҗатына багышлап оештырылган күргәзмәбез дә һәр тамашачының күңеленә хуш килде.

Кара каргалар килде.

Түбәдән тамчы тама.

Көндез көн җылы була.

Суыта кичкә таба.

    Бу атнада мәктәбебез укучылары катнашында Гөберчәк авылында Нәүрүз бәйрәме узды. Бәйрәмгә күрше авыллардан да кунаклар күп килгән иде. Күтәренке бәйрәм рухы ел буе дәвам итсен,киләчәккә якты өметләребез аклансын дигән теләктә бәйрәмнән таралыштык. Нәүрүз мөбарәкбад!

19 нчы мартта Шушмабаш авылында, 2000 нче елгы һәм аннан яшьрәк укучылар арасында милли көрәш буенча бәйге үткәрелде. Барысы 20 команда, йөздән артык көрәшче килгән иде. Габдулла Тукайның 130 еллыгына багышлап үткәрелгән ярышта, Сикертән мәктәбе укучылары да югалып калмадылар. Үз үлчәү авырлыгында Нургаянов Риназ 2 нче урын, Кәримов Инсаф 3 нче урын, Сафин Илназ 4 нче урын, Ибатуллин Ирек 6 нчы урын алып кайттылар. Укучыларны ярышка Марат Әхмәдиев әзерләде. Укучыларыбызны зур уңышлары белән котлыйбыз, сәламәтлек телибез.

19 март көнне Г.Камал исемендәге Сикертән төп гомуми белем мәктәбендә чираттагы ата-аналар җыелышы булып узды.  Җыелышның төп мәсьәләләре булып Татарстан Республикасының Мәгариф һәм Фән министрлыгыннан килгән күрсәтмәләр нигезендә “Туберкулез авыруына карата профилактик чаралар” темасын яктырту, мәктәбебезнең “Әтиләр советын сайлау”һәм 3 нче чирек нәтиҗәләре, ирешкән уңышларыбыз һәм бурычларны билгеләү булды. Фельдшер Шаймуллина Р.Ф. әти-әниләрне туберкулез авыруының килеп чыгышы һәм аңа карата нинди профилактик чаралар кулланырга кирәклеге белән таныштырды. Бүгенге көндә актуаль булган “Ата-аналар җаваплы” дигән темага башлангыч сыйныфлар укытучысы Хәбирова Р.П. тирән эчтәлекле чыгыш ясады. Мәктәп директоры Сөнгатов Ш.Җ. “Әтиләр советы” турында тулы мәгълүмат бирде. Һәр класстан бер әти әлеге “Әтиләр советы “на сайлап куелды. Класс җитәкчеләре әти-әниләрне 3 чирек нәтиҗәләре, укучыларның тәртибе һәм уку сыйфатының торышы белән таныштырды. Җыелыш җанлы һәм эчтәлекле узды.

17 марта состоялся "Арский бал-2"  среди школ района. В этот день юноши и девушки почувствовали  себя героями Пушкинской эпохи. Девушки в пышных бальных платьях, с красивыми прическами, юноши в белых рубашках, с красочными галстуками. В зале царила необыкновенная атмосфера, где каждый был актером и зрителем. Танцевальный коллектив нашей школы в составе Камаловой Алии (7 кл.), Загидуллина Ильнура (8 кл.), Шамсемухаметовой Гульшат (6 кл.), Нургаянова Риназа (8 кл) признан лучшим и заняли 3 место.  Поздравляем! Выражаем благодарность руководителю С.И.Хабировой.