Бүген "Куркынычсыз тәгәрмәч" ("Безопасное колесо") конкурсының район туры узды. Районның 7 мәктәбе әлеге уенда катнашты. Алар арсасында безнең "Удар" командасы да уңышлы чыгыш ясады. Киләчәктә дә уңышлар сезгә, укучылар!

Телләр атналыгы кысаларында 6-8 нче сыйныф укучылары арасында Г.Тукай иҗатына багышланган "Үз уеныбыз" дигән интеллектуаль бәйге узды. Ярышта "Мәңгәрлеләр" командасы беренче урынга лаек булды.

Телләр атналыгы дәвам итә. Бүген исә мәктәбебездә инглиз теле көне иде.

Бүген мәктәбебез укучылары һәм укытучылары татар халкының бөек язучысы Габдулла Тукай туган көнне бәйрәм итеп билгеләп үттеләр. Матур традициягә әверелгән бу бәйрәм елдагыча Тукай тукталган йорт каршысында узды.

Мәктәптә телләр атналыгы старт алды. Бүген татар теле укытучысы Фазлиева Рәмзия 5-6 сыйныфлар арасында татар теле һәм әдәбият фәннәреннән "Йолдызлы сәгать" уены уздырды.

Бүген 9 сыйныф укучыларыбыз Әтнә районының "Яшьләр гвардия"се уздырган "Тарихыбызны саклыйк" акциясендә катнашып Изгеләр каберлеген чистарттылар

 Бүген Экология елы кысаларында башлангыч сыйныф укучылары өчен "Бердәм Россия" партиясенең Әтнә бүлек җирлекчәсенең Олы Мәңгәр башлангыч оешмасы һәм Олы Мәңгәр китапханәсе "Экология - балалар күзлегеннән" дип исемләнгән чара уздырды. Чарада укучылар табигатьнең кеше өчен никадәр мөһим булуы турында сөйләштеләр, ясаган рәсемнәрен тәкъдим иттеләр.  

Бүген "Ашыт" мәдәният һәм спорт үзәгендә "Без бергә" конкурсының гала концерты булып узды. Гала концертта мәктәбебездән Сәләхетдинов Раяз, Гарипов Эльмир, "Нур" иҗат төркеме (6 сыйныф) һәм Якупова Динә катнашты. Киләчәктә иҗади уңышлар телибез сезгә!

Бүген 1 сыйныфта Гөлия Камилевна "Сәламәтлек - зур байлык" дигән темага ачык тәрбия сәгате күрсәтте. Укучылар сәламәтлекнең мөһимлеге турында сөйләштеләр, сәламәт булу өчен нәрсә эшләргә кирәк, нәрсә эшләргә ярамый - шуны ачыкладылар. Ачык тәрбия сәгате уңай бәяләнде.