Имтиханнарга әзерлекне тикшерү максатыннан 4 март көнне 9 нчы сыйныф укучылары зонага бүленеп, татар теленнән ЕРТ тапшырдылар. Шулай ук 11 нче сыйныф укучылары математика фәненнән үзләренең белем дәрәҗәләрен сынап карадылар. 

Казан шәһәренең 14 нче гимназиясендә И. Халфин истәлегенә багышланган фәнни-гамәли укучылар конференциясе узды. Анда 8 нче сыйныф укучысы Газизова Зөһрә биология секциясендә чыгыш ясап, сертификатка ия булды. 

Гатауллина Гөлназ Рахимановна 4 нче сыйныф укучылары белән рус теленнән ачык әрес күрсәтте. 

Күәм урта мәктәбендә батырлык айлыгы кысаларында 5-8 нче сыйныф укучылары арасында "Аҗаган" уены узды. 

Бүген мәктәптә, 21 февраль – Халыкара туган тел көне уңаеннан, Күәм авыл китапханәсе тарафыннан "Туган телем-иркә гөлем" тамчы шоу ярышы үткәрелде. Бәйгедә 4 нче сыйныфның "Тукай оныклары" һәм 5 нче сыйныфның "Тел белгечләре " командалары көч сынашты.

Күәм урта мәктәбендә укучылар өчен тарих укытучысы Хәкимҗанов Фәнис Хабирович парламент дәресе уздырды. Ул укучыларны парламент тарихы һәм структурасы белән таныштырды. Шулай ук математика укытучысы һәм Күәм авыл җирлеге депутаты Хәбибуллина Айсылу Мөбәрәкҗановна да парламент төзелеше аның вәкаләтләре турында сөйләде. 

20 нче февраль көнне Район Советы сессиясе булып узды. Сессиядә 2015 нче елга йомгак ясалып, 2016 нчы елга яңа бурычлар куелды. Күәм урта мәктәбеннән татар теле һәм әдәбияты укытучысы Сөнгатова Гөлнара Зөлкәрь кызын Татарстан Республикасы Мәгариф һәм фән министры Фәттәхов Энгель Навапович "Мәгърифәттәге казанышлары өчен" күкрәк билгесе белән бүләкләде. Котлыйбыз!

Февраль ае батырлык айлыгы булып традицияга кереп бара. Шул исәптән Күәм урта мәктәбендә Ватанны саклаучылар көненә багышланган чаралар уздырыла. Шундыйлардан берсен 5 нче сыйныф җитәкчесе Гайнетдинова Алия Рөстәмовна 5 - 7 нче сыйныфлар өчен тәрбия сәгате күрсәтте. Чарага шулай ук авыл мәдәният йорты мөдире Борханов Фәрит Фоатович та килде. Ул үзенең Армия сафларында хезмәт иткән чоры турында сөйләде. 

Ватанны саклаучылар көне уңаеннан без укучы егетләребезне сынап карарга булдык. Шул исәптән 8 -11 нче сыйныф егетләре арасында "Ягез әле, егетләр" көч сынашу бәйгесе үткәрдек. Уенны физкультура укытучысы Зарипов Булат Абдуллович оештырды. Егетләребез арасында тыгыз көрәш барды. Нәтиҗәдә, 9 нчы сыйныф егетләре командасы - 1 урын, 11 нче сыйныф егетләре - 2 урын, 10 нчы сыйныф егетләре 3 урын һәм 8 нче сыйныф егетләре 4 урынга лаек булдылар. Шуны истә тотырга кирәк сыйныфларда егетләр саны төрлечә. Афәрин, егетләр!