Белем бирү сыйфатын арттыруга Күәм урта мәктәбе укытучылары төрле юллар эзли. Шундыйлардан берсе - укытучыларның ачык дәрес күрсәтүләре булып тора. Икенче буын стандартларын истә тотып, 2 нче сыйныф җитәкчесе Ганиева Люция Фаезхан кызы укучылары белән "Әдәби уку" фәненнән ачык дәрес күрсәтте. 

5 нче сыйныфларда адаптация  чоры тәмамланды. Укучыларыбыз уртанчы сыйныфлар сафына бастылар, мондагы кагыйдәләрне тиешле дәрәҗәдә аңладылар. Шул уңайдан физкультура укытучысы Зарипов Булат Абдул улы 5 ләр белән ачык дәрес күрсәтте. Дәреснең темасы "Волейбол" икенче буын белем бирү стандартларына тулысынча буйсынды. 

Елдагыча районыбызда декабрь аенда шәфкатьлелек марафоны уза. Әлеге чарага Күәм урта мәктәбе укучылары да битараф калмады. Укучылар мохтаҗларга ярдәм өзеннән ярминкәләр уздырып, акча җыйдылар.

18 нче ноябрь көнне "Имею право знать" интернет дәрес кысаларында мәктәбебездә хокук саклау органнары хезмәткәрләре белән очрашу булып узды. Алар укучыларыбызны балигъ булмаган балаларга караган законнар белән таныштырып киттеләр.

Күәм урта мәктәбендә беренче чирекне йомгаклап, 13 нче ноябрь көнне ата-аналар җыелышы узды. Җыелышта сүз укыту-тәрбия торышы, билге кую критериелары, автобуста йөрү, дәрестән тыш түгәрәкләр эшчәнлеге һәм өстәмә дәресләр турында булды. Шулай ук ата-аналар балаларының сыйныф җитәкчеләре белән дә әңгәмә алыштылар.

Мәктәп укучылары арасындагы фән олимпиадаларының район этабы башланды. Олимпиадалар рус теле һәм әдәбияты, геология фәннәре буенча узды да инде. Бүген укучылар “Татарстан тарихы” буенча җавап тоталар. Олимпиада нинди фәннән үткәрелүгә карап, төрле сыйныф укучылары катнаша. Күәм урта мәктәбеннән 8 нче сыйныф укучысы Газизова Зөһрә һәм 11 нче сыйныф укучысы Сираҗиев Нуршат көч сынаша. Уңышлар сезгә!

Районыбызда мәктәпләре арасында Эрудит бәйгесе башланып китте. Күәм урта мәктәбеннән әлеге көч сынашуда 8 һәм 10 нчы сыйныф укучылары катнашты. Уеннын төп темасы Әтнә районы тарихына багышланган иде. Сораулар катлаулы һәм шул ук вакытта бик кызыклы иде. Командалар арасында көчле көрәш барды. Нәтиҗәдә, без 2 нче урында!!! Афәрин, укучыларыбыз! Алдагы уеннарда да безне җинүләрегез белән куандырып торыгыз.

Районыбызның юбилеена багышланган чаралар дәвам итә. Һәм шундыйлардан берсе Укучылар йорты каршында оештырылган башлангыч сыйныфлар арасында рәсем конкурсы. Әлеге конкурста Күәм урта мәктәбеннән 2 нче сыйныф укучысы Бәйрамова Айзила 1 нче урынга лаек булды. Афәрин, Айзиля! 

Күәм урта мәктәбендә чираттагы педсовет узды. Төп тема булып ФДБС шартларында укытучыларның компитентлыгын үстерү булып тора. Шулай ук әлеге очрашуда 1 чиреккә йомгак ясалды.

5 ноябрь көнне Татарстан Республикасы мәктәпләрендә укытучылар БДИ тапшырдылар. Күәм урта мәктәбе мөгаллимнәре Олы Әтнә мәктәбендә үз белемнәрен тикшерделәр. Нәтиҗәләр кәнагәтьләндерерлектер дип ышанып калабыз һәм укытучыларга эшләрендә уңышлар теләп, укучыларының БДИ һәм ТДИ ны яхшы билгеләргә тапшыруын теләп калабыз.