Бу көнне мәктәптә танылган конструктор Калашниковның  тууына 100 ел тулу уңаеннан төрле чаралар үтте. Һәр сыйныф тәрбия сәгате үткәрде. Тарих укытучысы Хәкимҗанов Ф.Х. югары сыныфлар белән берлект, бу темага  онлайн - презентация күрсәтте.

Педсовет утырышының темасы: "Дифференциаль укыту укучының үсеш потенциалын үстерүдә төп юнәлеш".

Көн тәртибе:

1.Уку сыйфатын яхшырту перспективалары һәм проблемалары.

2. Укучыларның фәнне өйрәнүгә мотивацияне ничек арттырырга.

3.1 чирек йомгаклары, алда торган бурычлар.

Мәктәпнең спортчы егете  - 11нче ыйныф укучысы Нуриев Айрат янәдән җиңүче. Ул районда узган бадминтон ярышында үз яшьтәшләре арасында беренче урынга лаек булды. Айратның тренеры - Зарипов Булат Абдул улы. Котлыйбыз аларны!

6 нчы сыйныф укучылары, тарих укытучысы Хәкимҗанов Фәнис Хәбир улы белән берлектә, ачык дәрес күрсәттеләр. Темасы: "Рыцарьлар биләмәсе"дип аталды.Дәрестә укучылар кем ул Рыцарь, ул ничек барлыкка килгән,нәрсә кия, кайда тора, рыцарь булу өчен нәрсә эшләргә кирәк? дигән сорауларга җавап эзләделәр һәм таптылар. Алар аерым да, парлап та, төркемнәрдә дә эшләделәр.Видеоролик караганнан соң фикер алыштылар.Рыцарьлар иленә сәяхәт ясадылар.