"Чрезвычайно важная вещь, чтобы у ребят оставалось свободное время. Конечно, хотелось бы, чтобы оно использовалось максимально эффективно, с умом", — отметил глава государства.

Бүген мәктәбебезнең башлангыч сыйныф укучыларын мәктәп кагыйдәләре белән таныштыру максатыннан җыелыш үткәрелде.

4 сентябрь көнне “Сәламәт гаиләдә, сәламәт балалар” темасы астында сәламәтлек дәресе үттте. Әлеге чарага авылыбызның спорт остасы, каратэ төре буенча  мастер булган  Базагутинов Альберт Шейхатдинович килде. Ул укучыларыбызга спорт – сәламәтлек чарасы булуын  азсызыклап үтте. Үзенең каратэ буенча ирешкән уңышларын, нинди эш алып баруларын сөйләде. Укучыларыбызга карточкалар, видеолар күрсәтте.  Аннан укучылар белән бергә,каратэның үз – үзеңне саклау өчен кирәк булган  иң гади һәм уңайлы алымнарын укучылар белән эшләп карады. Укучыларыбызны  тырыш, сабыр булырга өндәде, үзеңдә ихтыяр көчен нык тупларга кирәклекне әйтеп үтте. Спортның кайсы төрен генә алсаң да барсы да үзенчә кызык һәм файдалы булуын аңлатты.  Альберт абыйлары белән очрашу укучыларыбызга бик ошады, аларга  кызык һәм күңелле булды.  

Бүген мәктәптә "Экстремизмга юк" темасына класс сәгатьләре үткәрелде

3 сентябрь көнне укучыларыбыз  дәүләт иминият компаниясе хезмәткәре Мифтахова Рәйхәнә апа белән очраштылар. Рәйхәнә апа  укучыларыбызга иминиятләштерүнең барлык очракларын да аңлатып үтте. Шул ук вакытта ел  саен балаларыбызны кайгыртып , бәла килгән вакытта үз – үзеңне  иминиятләштерү очрагының да бик кирәк булуын әйтеп китте, үз – үзеңне иминиятләштерүнең бик кирәк булуына төшендерде. Укучыларыбызга изге теләкләрен җиткерде. Аларга исәнлек  - саулык, озын гомерләр теләде.

 1 сентябрь – Белем бәйрәме тантанасы бик күңелле үтте мәктәбебездә. Быел тәүге кат Белем бәйрәмен каршы алды яңа мәктәбебез. Бу көнне матур итеп бизәлгән яңа  мәктәп тагын да балкыды. Иртүк кулларына берсеннән – берсе матур чәчәк бәйләмнәре тотып, үзләре дә  ап – ак чәчәкләр  кебек, матур итеп киенеп  кадерле укучыларыбыз мәктәп бусагасыннан атлады. Бәйрәмгә лаеклы ялда булган хөрмәтле ветеран укытучыларыбыз һәм техник хезмәткәрләр дә килде.  Мәктәп һәркемнең шат авазыннан шау – гөр килеп торды. Бәйрәм белән котлап район башкарма комитеты исеменнән Фәнил Фәһим улы, Бөрбаш җаваплылыгы чикләнгән җәмгыять директоры Рафис Фарадис улы, Татарстанның баш казые Җәлил хәзрәт, авыл җирлеге җитәкчесе Сәйдәш Шәмси улы, район эчке эшләр  бүлегеннән Фәрит Гыйльфан улы  килделәр.

Кадерле укучылар һәм ата-аналар! Хөрмәтле коллегалар!

Белем көне һәм яңа уку елы башлану уңаеннан чын күңелдән ихлас котлауларымны кабул итеп алыгыз!
36 148 яшь татарстанлы өчен ошбу көн аеруча дулкынландыргыч, алар тәүге тапкыр мәктәп бусагасын атлап керәләр. Быел беренче сыйныфка укырга керүче балаларның ата-аналары балаларын Электрон хезмәт күрсәтү порталыннан файдаланып мәктәпкә яздыру мөмкинлегенә ия булдылар.
Соңгы елларда республиканың мәгариф тармагын үстерү өчен шактый эшләр башкарылды. Мәктәпләрнең материаль-техник базасы сизелерлек яхшырды, мәгариф өлкәсен мәгълүматлаштыруны үз эченә алган күләмле программа үтәлде, биналарны капиталь ремонтлау программасы гамәлгә ашырыла, мәктәпләргә заманча җиһазлар һәм предмет кабинетлары кайтартыла. Бүгенгесе көндә дәресләр аеруча кызыклы үткәрелсен һәм һәр укучы үзенең талантын ача алсын өчен барлык шартлар тудырыла

Татарстанда яңа уку елы Математика елы дип игълан ителгән. 2013 ел ахырына кадәр республикада балалар бакчаларында 5 мең өстәмә урын пәйда булыр дип көтелә. Ә менә дәүләтнеке булмаган югары уку йортлары, киресенчә, кимергә тиеш. Бу атнада Президент Рөстәм Миңнеханов катнашында узган август киңәшмәсендә әнә шулар хакында сөйләштеләр.

Район мәдәният йортында республика киңәшмәсен ачканда, Рөстәм Миңнеханов Арчаның “Мәгарифтә заманча технологияләр” темасына подсовет үткәрү урыны итеп очраклы сайланмавын белдерде. Нәкъ менә биредә татар телен дистанцияле өйрәтү өчен “Ана теле” мәктәбе оештырылган. Ул гына да түгел, Арча районы БДИ нәтиҗәләре буенча алдынгы урыннарның берсен били. “Тулаем алганда, Татарстан мәгариф системасында уңай динамика күзәтелә”, – дип билгеләп үтте Президент.

Хөрмәтле кулланучыларыбыз!

22 августта Арчада республика мәгариф һәм фән хезмәткәрләренең традицион август киңәшмәсе уза.

Иртәгә – 22 августта – Арчада республика мәгариф һәм фән хезмәткәрләренең традицион август киңәшмәсе уза. Киңәшмә быел “Татарстан Республикасы белем бирү практикасында заманча технологияләр” дигән темага багышлана.