Бу хакта Рособрнадзорның яңа башлыгы Сергей Кравцов хәбәр итә.

“БДИ биремнәренең диңгез буе илләреннән башкаларга таралуы һәм аларның башка төбәкләрдәге БДИ биремнәре белән туры килүе, башка еллардагы кебек, киләсе елда кабатланмаячак. 2014 елда биремнәр КҮМнәр географик киңлекләр буенча билгеләнәчәк”, — дип белдерде ул.

Быел БДИ 27 майдан алып 19 июньгә кадәр барды. Рособрнадзорның имтиханга кесә телефоннарын алып килмәскә, интернеттан җавапларны сатып алмаска дигән кисәтүләренә карамастан, имтихан барышында күп кенә тәртип бозулар булган. Имтиханнан соң социаль челтәрләрдә КҮМнәр, аларга җаваплар урнаштырылган һәм чыгарылыш укучылары биремнәрен фотога төшереп имтиханнарга кергәннәр.

Мәктәпне яңа уку елына әзерләү максатыннан барлык укытучылар коллективы өмәгә җыйналдылар. Шушы берничә көндә укытучылар классларны укучыларны каршы алырга әзерлиләр. Класс бүлмәләре җыештырыла, кабинетлардагы методик әсбаплар тәртипкә китерелә.  

Мәктәбебезнең матур, яңа бинасын искиткеч матур чәчәкләр бакчасы әйләндереп алды. Мәктәп капкасыннан үткәч үзеңне гөлләр иленә юлыккандай хис итәсең.

Укучыларыбызның җәйге хезмәте бушка китмәгән, бакчада яшелчәләрдән мул уңыш көтелә.

Июнь ахырында яңалыклар агентлыклары игътибарга лаек бер хәбәр таратты: Куба хакимияте математикадан университетларга керү мөмкинлеге бирә торган дәүләт имтиханы нәтиҗәләрен исәпкә алмас­ка, тестлы имтиханны исә 1 июльдә кабат үткәрергә дигән карар кабул иткән.

Сәбәбе бик гади: ике профессор биремнәрне урлап сатканнар, шуннан соң нәкъ Россия алгоритмы башкарылган – сатып алучылар да сатканнар. Бөтен ил тест бирем­нәренә алдан тиенгән. Хаки­мият­нең реакциясе илдә идарә барлыгын раслый, бу очракта булырга мөмкин бердәнбер рациональ карар кабул ител­гән, караклар бер­нигә дә иреш­мәгән, җинаять­челәр хө­кемгә тартылачак

Чыгарылыш сыйныф укучыларының БДИ буенча югары нәтиҗәләре һәм 100 балл туплаучыларның күп булуы Татарстан вузларын, керү балларын арттырып, абитуриентларны сайлап алу критерийларын катгыйландырырга мәҗбүр иткән.

Татарстанда мондый хәл моңарчы күзәтелмәгән: быел мәктәп тәмамлаучылар узган елларга караганда күбрәк балл җыйган һәм бигрәк тә мәҗбүри булмаган фәннәр буенча. Әйтик, узган ел белән чагыштырганда, химия буенча уртача билге - 15 (75), физика буенча – 11,1 (59), биология буенча – 8,7 (65,7), тарих буенча – 8,7 (62,5), җәмгыять белеме буенча – 5,9 (61,4), әдәбият буенча 5,5 баллга (61,8) арткан. Моннан тыш, 2013 елгы БДИ нәтиҗәләре буенча Татарстанда йөз балл туплаучылар шактый күбәйгән. Әйтик, химия буенча - 216 (узган ел 10 булган), физика буенча – 36 (2012 елда бөтенләй булмаган), информатика буенча – 40 (22).

Әлбәттә, Россиядә БДИ тирәсендә купкан низагларны истә тотсак, мондый гаҗәеп нәтиҗәләр шикле тоела. Әмма Татарстан Мәгариф һәм фән министрлыгы бердәм имтиханнарны уңышлы тапшыруны “Татарстан мәктәпләрендә белем бирүнең югары дәрәҗәдә булуы” белән аңлата һәм рус теле, тарих, информатика һәм ИКТ, химия, физика буенча 90 һәм аннан югары балл җыючылар Татарстан комиссияләре тарафыннан яңадан тикшерелгән. Укучылар күчергән дигән шик тумаган.

Татарстанның мәгариф һәм фән министры Энгел Фәттахов мәктәптә укучыларга яулыктан йөрү рөхсәт ителәчәгенә ишарә итте. Ул моннан проблем ясау кирәкми дип саный.

Русия мәктәпләрендә бердәм мәктәп киемен булдыру турында сүз киткәч, күп кенә мөслимә укучылар һәм аларның ата-аналары борчуга калган иде, чөнки киләчәктә укучыларга яулыктан йөрүгә рөхсәт ителмәячәге аңлашылды. Бу хакта хәтта Русия президенты Владимир Путин да “туры элемтә” вакытында әйтте.

Алар – Яр Чаллыдан Максим Мордяшов һәм Кукмара районыннан Гөлназ Садриева.

Яр Чаллының 26 нчы гимназиясен тәмамлаган Максим Мордяшов физика, математика һәм информатикадан Бердәм дәүләт имтиханын 100 баллга тапшырган. Ул Мәскәү дәүләт университетының механика-математика факультетына укырга керергә җыена.

Алтынчы сыйныф егетләре мәктәп ашханәсенә яшелчәләр үстерүгә үз көчләрен кертәләр. Көннәр коры һәм эссе тору сәбәпле яшелчәләргә бик күп су сибәргә туры килә аларга.

Бакчада эшләрне җиденче сыйныфлардан алтынчы сыйныфлар кабул итеп алдылар. Кызлар мәктәп тирәсен чәчәкләр белән матурлыйлар.