Бүген мәктәп спорт залында зур ярыш, авылдашыбыз Фидаил абый Шакиров истәлегенә  көрәш бәйгесе үткәрелде. Традиция буенча ел саен бик зурлап үткәрелә ул. Күрше районнардан да көрәшчеләр килә. Бүгенге бәйгедә дә 120 яшь көрәшче катнашты.

төшереп киттеләр.Мәктәптә үткәрелгән түгәрәкләрне, “Карга боткасы” бәйрәмен , көрәш бәйгесен дә төшерделәр.  Әфәрин, киләчәктә тагы да зур уңышлар сезгә егетләр!

23 нче март көнне  бик матур, күңелле бәйрәм үтте бездә. Һәркемнең йөзендә шатлык елмая, яз кояшы күңелләрне җылыта. Язны һәм канатлы дусларыбызны каршы алу максатыннан  “Карга боткасы” бәйрәменә җыйналдык. Кызыклы уеннар, матур җырлар, матур шигырьләр   белән  үтте бу бәйрәм . Уйнап туйганнан соң барчабыз бергә казан тирәсенә җыйналдык. Ах, нинди тәмле ботка пешкән, янында самовар “җырлап” тора, өстәл тулы кабарып,кызарып пешкән булочкилар.

  25 нче марттан – 3 апрельгә кадәр укучыларыбыз язгы каникулга китәчәк. Аларга барлык куркынычсызлык кагыйдәләре аңлатылды, каникул чорында үз – үзеңне ничек тоту кагыйдәләре турында  әңгәмәләр үткәрелеп, инструктажларга куллар куйдыртылды.  22 март көнне үткән радио тапшыру аша укучылар  каникул планы белән дә таныштылар

22 март көне Шубан мәдәният йортыннан килгән үзешчән артистлар  Аманулланың “Әлепле артистлары” дип аталган хәйрия спектаклен куйдылар. Әлеге коллектив  авылдашлары нәни Азалиянең сәламәтлеген ныгыту өчен ярдәм итү максатыннан шушы эшкә алынган.  Безнең укучылар һәм аларның әти – әниләре,укытучылар коллективы бу спектакльгә бик теләп килделәр. Искиткеч матур уйнадылар шубанлылар. Аларның бу изгелекләре нәни Азалия өчен һәм аның әти – әнисенә куаныч – шатлыклар китерсен.

22 март көнне мәктәпнең барлык әти –әниләре өчен җыелыш үткәрелде. Класс җитәкчеләре әти – әниләргә үз классы турында сөйләде.Һәр балага аерым басым ясап , аларга кыскача характеристика биреп киттеләр.  Язгы каникул чорында балаларның иминлеген саклауны булдыру максатыннан һәр әти – әнигә аңлатмалар биреп,куллар куйдырдылар

20 март көнне урман хуҗалыгыннан килеп укучыларыбыз ясаган сыерчык ояларын алып киттеләр.Аларга 50 сыерчык оясы тапшырдык.  Тиздән  җырчы кошларыбыз кайтыр, туган җиребезгә тагын да ямь өстәлер.  Канатлы дусларыбыз хакында онытмыйк, алар бит табигатебезнең докторлары.

 5 – 8 класс укучылары республика күләмендә барган  “ IT – чемпион “ конкурсы буенча эш башлап җибәрделәр. Алар  үзләренең  гаилә әгъзаларына һәм туганнарына бу эштә ярдәм итү максатыннан  үзләре регистрация үтү тәртибе белән таныштылар. Алда  бу эшнең ничек башкарыласын өйрәнделәр.

.

Бүген Россия Федерациясе Президенты Владимир Путин Казанга эш сәфәре белән килде. “Казан” Халыкара аэропортында дәүләт башлыгын Татарстан Президенты Рөстәм Миңнеханов, РФ Президентының Идел буе федераль округындагы Тулы вәкаләтле вәкиле Михаил Бабич, Казан мэры Илсур Метшин каршы алды.

Владимир Путин Казанга сәфәре кысаларында Бөтендөнья җәйге Универсиаданы үткәрүгә әзерлек барышы белән танышачак. Ул спорт объектларында булачак, аннары РФ Президенты каршындагы физик культура үсеше буенча Совет утырышын үткәрәчәк, дип хәбәр итә ТР Президенты матбугат хезмәте.

15 нче март көнне районда “Йолдызлык” фестиваленең йомгаклау концертыбулып үтте. Анда безнең мәктәбебезнең җырчы кызы АлияИсрафилова һәм бертөркем биючеләребез катнашты. Алар матур чыгышлары белән тамашачыны сөендерү бәхетенә ирештеләр. Әфәрин кызлар! Киләчәктә дә зур уңышлар сезгә. Гел шулай сәхнә йолдызлары булап балкыгыз, сүнмәгез, сүрелмәгез! Тагы да зур сәхнәләрдә чыгыш ясарга насыйп булсын сезгә!