4 сентябрь көнне иртә балалар бакчасында гадәттәгечә иртәнге гимнастика белән башланды. Бердәм сәламәтлек көне буларак  барлык төркемнәрдә “Айболит дәресләре”, “Юындырда кунакта”, “Без үз организмыбызны өйрәнәбез” кебек темаларга балалар белән әңгәмәләр, бердәм эшчәнлекләр, саф һавада спорт уеннары уздырылды. 

2 сентябрь көнне балалар бакчасы педагогик коллективы үзенең беренче җыенына җыелды. “Яңа уку елын каршылап”  темасына үздырылган педагогик киңәшмә педагоглар алдына:  бүгенге көн тәрбиячеләренә, белем бирү системасы баскычында беренче булып торучылар буларак,  нинди таләпләр, бурычлар куела – шуларны ачып салды.

Гает көне уңаеннан 7нче август көнне мәчеттән Мәдинә Мөхәммәт кызы балаларны бәйрәм белән котларга килде, тиешле вәгазьләре белән таныштырды. Балалар белгән догаларын бик теләп сөйләделәр. Елдагыча балаларны шатландырып үзләренең бүләкләрен калдырып китте.

Бүген балалар бакчасында халык уеннарына багышлап күңел ачу үтте. Балаларны халык уеннары аша әби-бабайларыбызның тормышы нинди булуы белән таныштырып киттек. Алар белән борынгыдан килгән "очты-очты","Җиләк - җыям, как коям", "Гөлбану", ""Эх, зиләй-зиләле", "Зәңгәр чәчәк" кебек халык уеннары уйналды.

29 ильдән-2 август көннәрендә бездә "Яраткан уенчыклар" атналыгы булды. Өстәл уеннары, сүзле уеннар, кагыйдәле уеннар, йомшак уенчыклар көннәре узды.

Менә, ниһаять, башкалабыз Казанда күптән көткән Универсиада уты кабынды. Безнең бакчага йөрүче иң нәни балалар да спортчыларга теләктәшлек белдерү йөзеннән йөгерешкә чыктылар. Алар сәламәтлекнең иң якын дуслары белән дуслашып – “Кояш, су һәм саф һава – безнең иң якын дуслар!”  - девизы астында җәйнең бер генә көнен дә зыяга уздырмаска тырышалар.

Балалар бакчасы коллективы “Ел балалар бакчасы -2013” республика конкурсының район этабында I урынны лаек булып республика күләмендә катнашу хокукына ия булды.

Балалар җәйне күңелле һәм файдалы уздыралар. Алар тәрбияче апалары белән бергәләп яшелчә бакчасында  эшләргә бик яраталар. 

Җәйнең икенче аена да кердек. Ул атнаны без “Тапкырлар һәм зирәкләр атналыгы” дип атадык.