6 март көнне уртанчылар төркемендә язның беренче бәйрәме 8 Март - Халыкара хатын-кызлар көненә багышланган бәйрәм иртәсе узды. Бәйрәм җырлар, биюләр һәм күңелле уеннар белән үрелеп барды.

Бүген Балтач мәдәният йортында бакчабыз балалары район күләмендә үткәрелгән "Созвездие-Йолдызлык-2014" яшьләрнең эстрада сәнгате фестиваленең сайлап алу турында катнаштылар.

2 нче кечкенәләр төркемендә "Ватанны саклаучылар" проекты кысаларында "Әти, бабай солдатта булган " фотокүргәзмәсе оештырылды.

Ватанны саклаучылар көне - кыюлык, намус hәм батырлык көне белән котлыйбыз сезне.

Бу көчле рухлылык, чын ир-егетлəрнең батырлык, намус һəм абруй кебек сыйфатларга ия булуларын раслый торган бəйрəм. Ватанга һəм халыкка хезмəт итү - үз илен ихлас сөюче гражданнарның һəрвакыт төп максаты булды һəм шулай булып калачак та.

Хəрби хезмəткəрлəрнең бүгенге буыны һəм армия сафларын тулыландырырга əзерлəнүчелəр, илебезнең куркынычсызлыгы, туганнары һəм якыннарының тормышы өчен җаваплылык хисен югалтмасыннар иде.

Сезгә һәм гаиләләрегезгә тыныч күк йөзе, ныклы сәламәтлек, бәхет, муллык, һәр эшегездә уңышлар телибез.

Әти дә солдат булган,

Бабай да солдат булган.

Мин үзем дә солдат булам

Үсим әле әз генә.

21 февраль көнне бакчада Ватанны саклаучылар көненә күңел ачу иртәсе уздырылды. Иртәбезнең беренче өлеше җырлар, шигырьләр белән үтте. Икенче өлешендә зурлар һәм мәктәпкә әзерлек төркеменең балалары төрле ярыш уеннары аша узара көч сынаштылар.

Уртанчылар төркемендә "Ватанны саклаучылар көне"нә багышланган музыкаль-спорт бәйрәме узды. Балалар хәрби темага багышланган шигырьләр сөйләделәр, җырладылар, үзләренең көчле, батыр, кыю булуларын төрле спорт ярышларында сынадылар. 

Сабыйлар күңелендә һәрвакыт

Очрашу, бәйрәмнәр еш булсын.

Һәр илдә, һәр җирдә балалар

Бәхеттән, шатлыктан елмайсын

Илебезнең Сочи шәһәрендә барыбыз да көтеп алган "Кышкы олимпиада - 2014» башланды. Әлеге зур спорт чарасыннан без дә читтә кала алмыйбыз. Балалар бакчасында спорт чараларын уздыру тагын да җанланып китте. Спорт темасына әңгәмәләр үткәрү, "Сочи - кышкы олимпиада -2014" - фото-альбомнар ясау, спорт ярышлары, күңел ачу кичәләре үздыру шуңа мисал булып тора.

2 нче кечкенәләр төркеме балалары бүген хоккей спортын якын итеп, шактый уңышларга, җиңүләргә ирешкән  “Вамин” командасы хоккеисты, шушы ук төркемгә йөрүче Зәйнәпнең әтисе Ахметханов А.Ф. белән очраштылар. Үзләре кечкенә генә булсалар да алар бик кызыксынып спорсменның киемнәрен, күп җиңүләр яулап алган бүләкләрен карадылар.