Хөрмәтле гүзәл затлар!

Сезне чын күңелдән 8 март ― Халыкара хатын-кызлар бәйрәме белән чын күңелдән котлыйбыз. Сезгә озын гомер, сәламәтлек, бәхет-шатлык телибез, һәрвакытта көләч йөзле, шат күңелле булып калыгыз. Көннәрегез яз кояшы кебек якты, ямьле булсын!

              Бәхеткә, шатлыкка күмелеп, 
                                                                         Һәрвакыт елмаеп һәм көлеп 
                                                                         Кадергә, хөрмәткә төренеп 
                                                                         Яшәгез мәңгелек нур булып!

2нче кечкенәләр төркеменең балалары үзләренең җыр-биюләре, җылы сүзләре, шигырьләре белән әниләрен сөендерделәр.

Бүген уртанчылар төркемендә Халыкара хатын кызлар көне уңаеннан бәйрәм кичәсе узды. Балалар әниләрен үзләренең матур шигырьләре, җырлары һәм биюләре белән шатландырдылар. Бәйрәм азагында әниләрнең тәмле күчтәнәчләре белән бергәләп чәй эчтеләр.

Бүген 1нче кечкенәләр төркемендә әниләр көненә багышланган "Әбинең ишекалдында" дип исемләнгән бик матур бәйрәм иртәсе үтте.

Бүген 28 февраль көнне районыбызның мәдәният йортында "Созвездие - Йолдызлык 2014" фестивале үтте. Фестивальда бакчабызның яшь талантлары үзләренең чыгышлары белән куандырдылар.

Бакчабызда мәктәпкә әзерлек төркеменең тәрбиячесе Аглиуллина А.Р. "Тиен бездә кунакта" дип исемләнгән ачык чара үткәрде. Шушы эшчәнлектә балалар арифметик тамгаларын куллана белү, 10 эчендәге саннарны кечерәк саннарга тарката белүләрен һәм башка белемнәрен күрсәттеләр.

1 кечкенәләр төркемендә "Кабартма белән сәяхәткә" дигән тема астында тәрбияче Юсупова Ф.Г. сөйләм телен үстерү буенча ачык чара үткәрде. Чараның максатлары сүзлек запасын арттыру, кабул итү сәләтен үстерү, әкият геройлары белән кызыксындыру , бармак мускулларын физик үсешен ныгыту иде.

В детском саду воспитателем по обучению русскому языку Гибадуллиной З.Н. было проведено открытое занятие - инсценировка сказки "Теремок" с участием детей подготовительной группы. В ходе работы над театрализацией у детей развивается творческая самостоятельность, тренируется речевой аппарат, они учатся отчетливо произносить слова.

Мәктәпкә әзерлек төркеменең балалары, әтиләрен Ватанны саклаучылар көне белән котлап, чын күңелләреннән үзләренең кечкенә бүләкләрен әзерләде.

Бүген бакчабызда мәктәпкә әзерлек төркемендә әтиләргә багышланган "Мин әтием белән көчле" дип исемләнгән бәйрәм булып узды. Бәйрәмнең саф һавада спорт мәйданчыгында үтүе үзе бер сынау булды. Балалар төрле ярышларда үзләре генә дә, әтиләре белән дә катнаштылар. Һәм, чыннан да, әтиләре белән бик көчле булуларын күрсәттеләр.