Хөрмәтле укытучылар! Сезне чын күңелебездән hөнәри бәйрәмегез белән тәбрик итәбез! Авыр, әмма мактаулы хезмәтегездә hәркемгә иҗади уңышлар насыйп булсын. hәркемгә ныклы сәламәтлек, ак бәхетләр телибез. Бәйрәм белән!

Бакчабызда өлкәннэр көнен үткәрдек. Бездә күп еллар эшләгән ветераннарыбыз кунакка килделәр. Алар балаларның матур чыгышларын карадылар. Бәйрәм кичәсе зур табын артында дәвам итте.

Бүген бакчабызда гомуми ата-аналар җыелышы булды. Җыелышта район социаль яклау бүлегенең компенсация бүлекчәсе җитәкчесе -  Галимова Ф.Ш. компенсация түләү тәртибендәге үзгәрешләр белән таныштырды. Прокурор ярдәмәчесе Шарифуллин Ф.Г.  районда наркотикларга hәм терроризмга каршы көрәш айлыгы баруы турында сөйләде. Шулай ук Балтач район полициясенең участок вәкиле Насибуллин Ф.К. чыгыш ясады. Ул  әти-әниләргә шикле кешеләрдән сак булырга киңәш бирде. Әти - әниләр бу вәкилләргә үзләре кызыксындырган сораулар бирделәр. Җыелыш бик эчтәлекле узды.

Матур бакчабызга килеп, күп нәрсәне беләбез.

Күңелле әкиятләр укып, сөйләргә өйрәнәбез.

Бүген бакчабызда бик матур көз бәйрәме үтте. Бәйрәмгә балаларны котлап, үзенең пиче белән әкият герое -  Емеля да килде. Ул балаларны пичтән чыккак тәмле, кайнар коймак белән сыйлады.

Тәҗрибә уртаклашабыз, бергә - бергә киңәшләшеп укыту - тәрбия планын камилләштерәбез.

Бергәләшеп чыктык бүген

Сәяхәткә - үзәккә. 

Сокланып карап туймыйбыз,

Безнең Балтач бигрәк гүзәл лә!

Бакчабызда курчак театры түгәрәге эшен башлап җибәрде. Балалар зур кызыксыну белән ролләрне башкаралар.Шул түгәрәктәге эшчәнлек аша балаларның сөйләм теле үсеш ала.

Бакчабызда эвакуациягә әзерлек чаралары үткәрелде. Һәр төркем үзенә куелган максатка иреште - вакытка сыешты.

Бүген уртанчылар төркемендә куркынычсызлык кагыйдәләре турында шөгыльләр үткәрелде. Балалар дидактик уеннар аша бу кагыйдәләрне искә төшереп үттеләр.