Мәктәптә көзге мәрхәмәтлелек атнасы дәвам итә.Бүген мәктәптә эшләп лаеклы ялга чыккан өлкәннәр кунакка килделәр. Аларга чәй табыны оештырылды, укучылар һәм укытучылар көче белән зур концерт куелды.

5 сыйныф укучылары мониторинг эшлиләр.

1 октябрь-өлкәннәр көне уңаеннан "Янәшәбездә өлкәннәр!" акциясе уздырылды. Укучылар мәктәптә эшләп лаеклы ялга чыккан ветераннарны өйләренә барып бәйрәм белән котладылар, аларга чәчәкләр, открыткалар бүләк иттеләр.

1-4 сыйныф укучылары табигый материаллардан ясалган күргәзмә оештырдылар. Күргәзмәдә ниләр генә юк иде.

Мәрхәмәтлелек атнасы кысаларында укучыларыбыз  китапханәнең таушалган китапларын ремонтладылар.

1-4 сыйныф укучылары өченкукынычсызлык атнасы кысаларында рәсем конкурсы уздырылды, укучыларның рәсемнәреннән күргәзмә ясалды. Ә иң матур рәсем ясаучыларга мәктәп грамоталары тапшырылды

Мәктәптә һөнәр сайлау юнәлешендә күп эш алып барыла. Бүген 2,4 сыйныф укучылары колхозның ашлык саклау амбарында булып кайттылар. Алар анда амбар хуҗасы һәм биредә эшләүчеләр белән очраштылар, техникалар белән таныштылар.

Бүген мәктәпкә 2 һәм 3 сыйныф укучыларының әти-әниләре кунакка килделәр алар өчен математика һәм әйләнә-тирәдән ачык дәресләр күрсәтелде.Әлеге дәресләр башлангыч сыйныфлар атналыгы кысаларында узды.Дәресләрне Ландыш Хәертдиновна һәм Рузия Шахинуровналар бирде.

 27 сентябрь- тәрбиячеләр көне уңаеннан "Хыял" балалар оешмасы лидерлары акция уздырдылар. Алар "Гөлбакча" балалар бакчасы тәрбиячеләрен бәйрәмнәре белән котлап чәчәк бәйләмнәре бүләк иттеләр.

Район күләмендә укучылар форумы узды. Әлеге форумда "Хыял" балалар оешмасыннан 5 укучы катнашты.