Бүген мәктәбебездә башлангыч сыйныфлар атналыгы башланып китте. Алар өчен дәресләрдән соң табышмак кичәсе уздырылды. Кичәдә актив катнашучылар мактау кәгазьләре белән бүләкләнделәр.

Мәктәптә Бөтенрәсәй фән олимпиадаларының мәктәп туры башланып китте. Иртәнге линейкада укыту эшләре буенча директор урынбасары Эльмира Равилевна олипиадаларның графигы белән таныштырды һәм укучыларга  уңышлар теләде.

"Замана балалары" отряды сыйныф җитәкчеләре Роза Александровна белән дәресләрдән соң табигать кочагына ял итәргә чыктылар. Алар биредә учак ягып бәрәңге пешерделәр,самоварь белән чәй кайнаттылар. Тамак ялгап алганнан соң хәрәкәтле уеннар уйнадылар, фотоларга төштеләр.

Мәктәп күләмендә "Тынычлык күгәрчене" акциясе узды. Укучылар таначлык символы булган ак күгәрченнәрне шарларга беркетеп күккә очырдылар һәм кукләребезнең, ил-көннәребезнең аяз булуларын теләделәр.

Мәктәптә беренче әти-әниләр җыелышы булып узды.Җыелышта  2017-2018 уку елында алда торган бурычлар турында сөйләшенде, мәктәпнең эчке тәртип кагыйдәләре аңлатылды, әти-әниләрне кызыксындырган сорауларга җаваплар бирелде. Шулай ук әлеге җыелышта район полиция бүлегенең бәлигъ булмаган балалар белән эшләүче  инспекторы Ләйсән Газинуровна да катнашты.

Район күләмендә татарча көрәш буенча ярышлыр башланып китте. ООО"Арбор" призына уздырылган ярышта мәктәбебезнең көрәшчеләр командасы 2 урынны яулады. Шәхси беренчелектә 10 сыйныф укучылары Хабибуллин Руфил һәм Свиридов Аликлар үз авырлыкларында 1 урынны яуладылар.

Мәктәп күләмендә "Милләтләр кроссы-2017" уздырылды. Әлеге кросста барлык укучылар һәм укытучылар катнашты, призлы урыннар яулаган укучыларга мәктәп грамоталары тапшырылды.

"Хыял" балалар оешмасында ТВБның туган көне билгеләп үтелде.Укучыларга  варислар берлеге турында презентацияләр күрсәтелде,эзтабарлар, варисларның кагыйдәләре, законнары, девизы искә тошерелде. 4 сыйныф укучылары белән вариска, 2 сыйныф укучылары белән эзтабарга керү өчен әзерлек эшләре башлап җибәрдек.

Мәктәбебезгә мәдәният дәресе уздыру өчен авыл китапханәчеләре килде. Алар1-4 сыйныф укучыларына мәдәни көндәлекләр тараттылар һәм әлеге көндәлекне тутыру тәрбибен аңлаттылар.

Бүген мәктәбездә район полиция бүлегеннән Накипова Раушания Ленаровна булып китте. Ул, куркынычсызлык айлыгы кысаларында, 1-4 сыйныфларга  әңгәмә уздырды.Ул укучыларга юл йорү кагыйдәләрен искә төшерде, терроризм, экстремизм очраклары турында,шулай ук мәктәптә, урамда, өйдә үз-үзеңне тоту кагыйдәләрен аңлатты.