Бөек Җиңүгә 72 тулу уңаеннан  митинг узды. Әлеге митингта 5 сыйныф укучылары әдәби-музыкаль монтаж куйдылар.Сугыш каһарманнарын 1 минутлык тынлык белән искә алдык.

Мәктәбебез укучылары 3 ел рәттән "Үлемсез полк" акциясендә катнашалар.  6 май көнне укучылар батырларыбызның портретларын тотып авылыбызның үзәк урамы аша уздылар.

Май аенда ел саен "Георгий лентасы" акциясе уздырыла. Быел да әлеге акция оешкан төстә узды. Укучылар бик теләп төрле формадагы ленталар тактылар. Шулай ук әлеге ленталарны тыл батырларына, бәйрәм кунакларына тагуны да оештырдык. Өлкәннәр әле бүләкне бик куанып кабул иттеләр.

Район күләмендә Тукай исемендәге җәмгыять призына 1999 елда һәм аннан да соңрак елларда туган  яшүсмерләр арасында татарча көрәш ярышы булып узды. Әлеге ярышта мәктәбебезнең көрәшчеләр командасы 2 урынны яулады. Молодцы!

Мәктәп бакчасында язгы эшләр гөрли.  Шушы көннәрдә җиләк-җимеш агачларының төпләре йомшартылды, алмагачларлар агартылды.

Бөек Җиңүнең 72 еллыгы якынлашкан көннәрдә мәктәп күләмендә күп кенә чаралар уза. Шундыйларның берсе-һәйкәл янын  җыештыру өмәсе. Өмәдә 8нче һәм 10 сыйныф укучылары катнашты. Һәйкәл яны корган агачлардан, чүп үләннәрдән чистартылды.

Мәктәбебез бердәм рәвештә өмәгә чыкты.Укучыларыбыз һәм укытучыларыбыз көче белән мәктәп территориясе һәм мәктәпнең бакчасы чүп-чарлардан чистартылды.

Тормыш иминлеге нигезләре буенча бердәм ачык дәрес уздырылды. Әлеге дәрестә техника, юл йөрү кагыйдәләре аңлатылды. Яңгул пожар бүлекчәсе җитәкчесе Нияз Шамилевич пожар куркынычсызлыгы кагыдәләрен искә төшереп узды.

Мәктәбебез укучылары һәр ел саен "Марш парков" акциясендә теләп катнашалар. Бу уку елында да сыерчык оялары һәм фотографияләр конкурсында катнаштык һәм призлы урыннарыбыз да бар. Район күләмендә иң матур сыерчык оялары ясап, Салихов Илфар һәм Гарипова Әдиләләр  җиңүчеләр булдылар. Ә Мардян Ренат фотографияләр конкурсында җиңү яулады. Алар грамоталар һәм йомшак уенчыклар белән бүләкләнделәр.

Уку елы тәмамланырга санаулы гына көннәр калып бара. Уку елы ахырында мәктәбебез, традицион рәвештә, ел саен отчет концертлары куя. Концертның быелгысы "Ак күңелле килә каласы..." исеме астында узды. Сәхнәгә иң яхшы дип табылган номерлар гына чыкты..Концертта укучылар белән беррәттән укытучылар да катнашты. Күмәк биюләр, дәртле җырлар тамашачылар күңеленә хуш килде. Концерт алдыннан кул эшләреннән,пешкән ризыклардан ярминкә оештырылды.