Укучыларыбыз җәйге каникулларда. Кемдер лагерьларда ял итә, кемдер туганнарына кунакка китә, кемнәрдер өйләрендә әти-әниләренә ярдәм итә. Ә менә бер төркем укучыларыбыз Яңгул авылында урнашкан  эшмәкәр Галиуллин Рөстәмнең җиләк  җирендә хезмәт куя. Алар биредә чүп утыйлар, өлгергән җиләкләрне җыялар, эшләгән эшләре өчен һәр атна саен  хезмәт хакы алып баралар.

Мәктәбебезнең  22 укучысы 9 сыйныфны уңышлы гына тәмамлап кулларына аттестатлар алдылар.  Без аларны уңышлары белән котлыйбыз, сәламәтлек, ЕГЭларга тырышып әзерләнүләрен теләп калабыз.

Бүген 11 сыйныфның 8 укучысы мәктәп белән саубуллашты. Алар кулларына өлгергәнлек аттестатлары алып олы тормыш юлына аяк бастылар. Укучылар, киләчәктә сезгә бәхет-шатлык теләп калабыз. Хыялларыгыз тормышка ашсын!

Бүген сугыш батырларын искә алдык. Шул уңайдан авыл уртасына куелган обелискка һәм Советлар Союзы Герое Габдулла Гарифуллин каберенә чәчәкләр куйдык

"Кояшкай" лагеренда Сабантуй узды.Әлеге  бәйрәмдә авыл сабантуйларында уздырыла торган барлык ярышлар да оештырылды. Ярышларда катнашкан һәр бала бүләкле булды. Бәйрәм балаларга бик ошады.

Лагерьда "Үрнәк кыз һәм малай" конкурсы узды. Биредә төрле ярышларда балалар үзләрен сынап карадылар. Җиңүчеләргә дипломнар  истәлекле бүләкләр тапшырылды.

Авылыбызның матур урыннарына экскурсияләргә яратып йөрибез. Бүген Югары оч тавына сәяхәт кылдык.  Тау итәгендә урнашкан "Касыйм"коесы янында җыелып фотога да төштек әле.

Лагерьда экология көне узды. Әлеге уңайдан табигать кочагында "Экологик поезд" уены уздырылды. Ярышта 3 отряд ярышты. Һәр ярышны уңышлы үтеп 3нче отряд 1 урынны яулады.

Без лагерьда  көнебезне уйнап кына уздырмыйбыз, ә һәр фән буенча белемнәребезне дә устерәбез. Кызыклы уеннар, конкурслар  аша фән олимпиадаларына әзерлек алып барабыз.

Лагерьда әкиятләр көне узды.  "Әкиятләр яратабыз" дип исемләнгән викторинада, "без артистлар" исемле конкурсларда барлык балалар да катнашты.Сәхнәдә  "Шалкан", "Йомры икмәк", "Су анасы"  әкиятләре куелды.