3 нче чирек тә уңышлы гына узып китте.Укуыларның зарыгып көтеп алган  ял көннәре. Аларга  уңышлы ял итеп, көч җыеп , исән-сау гына 4 чиреккә килүләрен теләп калабыз!

Мәктәбебез китапханәсендә эшләүше Фаезова Э.М.  "Китап - белем чишмәсе" дип исемләнгән кичә оештырды.

Әти-әниләр җыелышында түбәндәге темалар күтәрелде.

-Яшьүсмерләр арасында тәртип бозуларны кисәтү;

- Суицид күренешләрен профилактикалау;

- 1-3 чирекләрдәге укыту-тәрбия эшенә анализ;

- ГИА га әзерлек нәтиҗәләре.

"Без бергә" дип исемләнгән республика күләмендә узучы фестиваль-конкурс кысаларында мәктәптә җыр, бию һәм шигырь бәйгесе  уздырылды. Әлеге бәйгедә җиңүчеләр  район конкурсында катнашачак.

Мәктәбебезнең 7 нче сыйныф укучысы Гафурҗанова Энҗе тантаналы рәвештә районыбызның 14 яшь тулган яшь гражданнарына паспорт тапшыру кичәсендә булып кайтты.Аларга тәбрикләү сүзләрен Балтач районы Башкарма комитетының гражданнарның хәлен актлар теркәү (ЗАГС) бүлеге җитәкчесе җиткерде. Яшь гражданнарның шатлыкларын бүлешергә әти-әниләре, туганнары да килгәннәр иде. Без дә үз чиратыбызда Энҗене  чын күңелдән 14 яше тулган яшь гражданин булуы белән котлыйбыз , укуында уңышлар, сәламәтлек телибез!

Бүген, ягъни 14 нче март көнне мәктәбебезгә 8- 9 нчы сыйныф укучылары белән сөйләшүгә Арча районы Лесхоз авылында урнашкан агросәнәгать һөнәри көллияте укытучылары килде. Алар балаларны көллиятнең тарихы,  уку шартлары, сроклары белән таныштырдылар. Соңыннан кызлар һәм егетләр аерым группаларга бүленеп, егетләр техника буенча юнәлеш, ә кызлар пешекче һәм кондитер юнәлешендәге эшчәнлек белән таныштылар. Очрашу укучылар өчен бик эчтәлекле һәм файдалы итеп оештырылган иде. Әлеге чарадан балалар канәгать калды.

Балаларның тормыш иминлеген саклау – һәр укытучының иң мөһим бурычларыннан берсе. Шуңа да  без башлангыч сыйныфтан ук,  һәртөрле куркыныч очракларда үзләрен ничек тотарга кирәклеген өйрәтә башлыйбыз. Менә бүген дә педагог -организатор Хөснетдинова Э.Ф.  башлангыч сыйныф укучылары белән куркынычсызлык турында әңгәмә алып барды!