ЕДИНЫЙ ДЕНЬ КУЛЬТУРЫ. Отчет о проведении  с вручением ДНЕВНИКОВ: в начальных классах 20 учеников, всем вручены культурные дневники в торжественной обстановке.

31нче майда, мәктәптә 2015-2016  уку елынның тәмамлануына багышланган тантаналы чара үтте. Ел дәвамында укуда ирешкән уңышларга йомгак ясалды. Мәктәп директоры Ибраева И.Ә. ел буена гел яхшы билгеләренә генә укучы  балаларга  мактау  грамоталары тапшырды. Аеруча актив укучыларның ата-аналарына рәхмәт хатлары җибәрелде. Сыйныф җитәкчеләре укучыларга җәйге каникулларда хезмәтне саклау инструкцияләре  үткәрделәр. Мәктәп укучыларының көтеп алган яллары башланды. Исән- имин яллар сезгә укучылар!

23 нче май Казан шәһәрендә,  2016 нчы елда Республика һәм Бөтенроссия  мәктәп укучылары олимпиадаларында җиңүчеләрне һәм призлы урыннар алучыларны котлау  тантанасы узды.Безнең мәктәптән  бу чарада республика олимпиадасында татар теленнән җиңүче һәм татар әдәбиятыннан 3нче урынга лаек булган, 7нче сыйныф укучысы  Валиахметова Динара  һәм аны олимпиадага әзерләүче татар теле һәм әдәбияты укытучысы Галлямова Сәрия Мәкатдис кызы катнаштылар. Афәрин Сезгә! 

Пионер туган көненә туры китереп,  5-8 сыйныф укучыларын,Татарстан  балалар  оешмасы сафларына кабул иттек. Бу тантаналы чара бик файдалы һәм кызыклы итеп оештырылган иде. Бәйрәмгә чакырылган кунаклар(ветеран укытучы- Зайнуллина Халидә апа һәм Рахматуллина Роза апа) пионерия тарихы турында бик мавыктыргыч чыгыш ясадылар. Соңыннан балалар өчен кече Сабан Туе  оештырылган иде. Балалар һәм укытучылар бик күңелле ял иттеләр.   Мәктәп администрациясе исеменнән чараны оештыручы  педагог-организатор Минникаева Л.Н. га бик зур рәхмәтебезне белдерәбез.

29 -апрель көнне безнең мәктәп  балаларны яклау көнен үткәрде. Бу көн кысаларында "Кеше һәм табигать" дип аталган, китаплар күргәзмәмсе оештырылды. "Мин-Ватан сакчысы" исеме астында хәрби-спорт эстафетасы үтте. 

 Россия күләмендә, Бөек Җиңүнең 71 еллыгын бәйрәм итүгә багышланган, "Үлемсез Полк" акциясе игълан ителгән иде. Бу чарада безнең мәктәптә читтә калмады. Барлык укучылар һәм укытучылар Бөек Ватан сугышында,  туган иле өчен башларын салган туганнарының фото сурәтләрен, я исемнәре язылган плакатлар  күтәреп авыл уртасында урнашкан обелиск янына бардык. Укучылар 9-май бәйрәменә карата  концерт номерлары күрсәттеләр.  Сугышта катнашкан авылдашларны бер минут тынлык белән искә алдык.

 Бөгелмә шәһәренең 14 нче гимназиясендә, Габдулла Тукайның тууына 130 ел тулуга багышланган муниципаль фестиваль үтте. Безнең мәктәп укучылары бу чарада бик актив катнаштылар һәм призлы урыннар яуладылар.Рәсем бәйгесендә 1нче сыйныф укучысы Мирзаянова Айгөл-1 урын,  7 нче сыйныф укучысы Журавлев Роман-2 урын алдылар.Нәфис сүз бәйгесендә 4 нче сыйныф укучысы Сибгатуллин Раиль-1 нче урын, Вакульчик Виктория -3 нче урынга ия булдылар. Биючеләр арасында  2 нче сыйныф укучысы Файзуллина Ләйлә 1-урын, җыр башкаручылар арасында 6 нчы сыйныф укучысы Исаева Александрия 3-урынга лаек булдырлар. 8 нче сыйныф укучылары Закиров Леназ һәм Ахметов Рунар  гамәли сәнгать бәйгесендә 1-урын алып кайттылар. Барлык фестивальдә катнашкан укучыларыбызны уңышлары белән котлыйбыз, исәнлек,укуда һәм тормышларында тагын да зур уңышлар телибез. Рәхмәт сезгә!