Габдулла Тукайның тууына 130 ел тулуга багышланган  муниципаль фәнни-гамәли конференциядә, безнең мәктәпнең 6 сыйныф укучысы Гилязова Алина катнашты. Ул үзенең "Тукайның дингә карашы" дип аталган эше белән   2 урын алды. Без Алинаны һәм аның фәнни җитәкчесе, татар теле һәм әдәбияты  укытучысы Галлямова Сәрия Мөкәтдис кызын чын күңелдән котлыйбыз.

 Бөгелмәдә  үткән, Габдулла Тукай шигырьләрен дүрт телдә укучылар бәйгесендә, безнең мәктәптән ике укучы катнашты. 7 нче сыйныф укучылары Вәлиәхмәтова Динара һәм Нәбиуллина Флорида. Алар Тукайыбызның "Туган тел" һәм  "Туган Авылым" шигырьләрен  инглиз телендә укыдылар. Кызларны бәйгегә әзерләүче инглиз теле  укытучысы Дарменко Г.С.. Укучылар әлегә зур уңышларга ирешә алмасаларда, без аларга рәхмәтебезне белдерәбез һәм киләчәктә уңышлар телибез. 

Без, мәктәбебез белән авылыбызда үткән шимә өмәсендә катнаштык. Барлык укучылар, укытучылар һәм хезмәткәрләр бик тырышып  эшләделәр. Мәктәп тирәсе, урамнар, авылыбыз зираты тирәсе чистарып, матураеп калды.

Безнең мәктәптә Г.Тукайның тууына 130 ел тулуга багышланган шигырь укучылар бәйгесе булып узды. Бәйгедә 1-8 сыйныф укучылары катнаштылар. Габдулла Тукайның шигырьләрен төрле телләрдә сөйләделәр. 1-4 сыйныфлар  арасында беренче урынны 4нче сыйныф укучысы Сибгатуллин Раиль, 5-8 сыйныфлар арасында 7 нче сыйныф укучысы Набиуллина Флорида яуладылар. Калган укучыларда зур әзерлек белән катнаштылар.

"Ни дня без добрых дел" айлыгы кысаларында уздырылган "Балалар балаларга" акциясе  үтте. Мәктәп укучылары авылыбызның балалар бакчасына тапшыру өчен уенчыклар җыйдылар. Бүген, 14 нче апрель  көнне уенчыкларны тапшыру тантанасы узды.