Бүген безнең туган көн.

Булсын иде ул һәр көн!

Матур бүләк алып килде

Безне котларга һәркем.

Бүген Сафин Радмирның туган көне . Дуслары аларны котлап җырладылар, биеделәр. Бик күңелле ял иттеләр.

Дөньяда иң яхшы әни,

Беләсезме,кемнеке?

Белмәсәгез, үзем әйтәм,

Ул әни бит- минеке.

Хөрмәтле әниләр! Балаларыгыз әзерләгән бүгенге бәйрәмгә килгәнегез өчен, күңелле итеп катнашып утыруыгыз өчен рәхмәт сезгә. Бала өчен җир йөзендә әнидән дә якты, әнидән дә рәхимле, мәхәббәтле, әнидән дә олы җанлы зат юктыр. Балаларыгызга дөньяның рәхәтен, тормышның михнәтен, күңелнең сафлыгын аңларга өйрәткән өчен, алар сырхаулап ятканда, күкрәгегезгә кысып " Җан җимешем, балам" дип, чын күңелдән борчылганыгыз өчен рәхмәт сезгә. Сез булмасагыз, алар оясыз кош, моңсыз җыр, җырсыз сандугач кебек булыр иделәр. Озын гомер, тән сихәте, саулык, күңелегездәге җан җылысыныҗ нурын сүндермичә балаларыгызга алга таба да яхшы тәрбия биреп яшәвегезне телибез.

Бер бәйрәм бар февральдә

Кадерле ул һәркемгә.

Аны иң зур бәйрәм дип

Мөмкин хәтта әйтергә.

Ул тынычлык бәйрәме

Аны һәр кеше белә.

Ватанны саклаучылар

Бәйрәме дип йөртелә.

Ул солдатлар бәйрәме,

Без котлыйбыз аларны.

Әтиләрне, абыйларны,

Һәм бөтен солдатларны.

15 нче февраль Муса Жәлил туган көне унаеннан балалар бакчасында М.Жәлил шигырьләрен уку булды.Авылыбыз китапханәчесе кунакка килеп шагыйрьнең шигырьләрен яттан сәнгатьле итеп сөйләде.Тэрбияче СалиховаЗ.Г. балаларны шагыйрьнең тормыш юлы белән кыскача таныштырып үтте.