Бүген Кайбыч мәдәният йортында бу акциянең йомгаклау тантанасы булды. Әлеге акция 2006 нчы елдан бирле үткәрелеп килүче матур традициягә әверелде. Акция кысаларында безнең мәктәптә укучы аз керемле һәм күп балалы гаиләләрдә тәрбияләнүче 6 балага ярдәм күрсәтелде. Алар  да бу тантанада катнашты. Укучыларга мәктәп формасы, спорт киеме, мәктәп кирәк-яраклары тутырылган сумкалар таратылды.

Дару үләннәрен җыюда мәктәп укучылары бик актив катнаша. Буген исә киптерелгән әзер дару үләннәрен мәктәп күләмендә җыеп, барлау эшләре оештырылды. Әлеге чарада катнашкан барлык укучыларга, әти-әниләргә рәхмәт белдерәбез!

Мәктәбебез укучылары җәйге ялларын күңелле дә, файдалы да итеп үткәрә. Дүрт укучыбыз Биектау районындагы "Костёр" ял һәм сәламәтләндерү лагерында булып кайттылар. Балаларга әлеге лагерьда ял итү бик ошаган: күңелләрендә булган кызыклы һәм истәлекле хатирәләр белән бик теләп уртаклаштылар алар. Лагерьда балалар ял итү белән беррәттән төрле чараларда катнашып, истәлекле бүләкләр һәм таныклыкларга да ия булганнар.

Бүген Кайбыч ял паркы ачылу тантанасында мәктәп күргәзмә белән катнашты. Күргәзмәгә технология дәресләрендә, "Кул эшләре", "Балчык белән эшләү" түгәрәкләрендә ясалган төрле сувенирлар, чиккән әйберләр куелды.

Мәктәптә кышкы ашату сезонына хәзерләнү дәвам итә. Пешекчеләребез   июль башыннан бирле кыяр тозлаү белән мәшгульләр. 

Бүген мәктәп тәҗрибә кишәрлегендә график буенча эшләүче укучыларыбыз суган уңышы җыеп алдылар.

Мәктәпнең өлкән сыйныф укучылары бүген “Чиста яр”- “Чистый берег”  акциясендә катнаштылар. Тирә-юнебезне чистартуга үзләреннән өлеш керттеләр. Алар Кошман суы елгасы һәм күл ярларыннан чүп-чарлар җыйдылар. 

Бүген мәктәптә чираттагы ремонт эшләре башланды.

 Бүген бездә 9 нчы сыйныф укучыларына аттестатлар тапшыру тантанасы булды. Тантанада әти-әниләр, укытучылар, район вәкилләре, авыл җирлеге башлыгы катнашты. Мәктәп еллары һәр кешенең тормышында иң истәлекле, иң кадерле, иң бәхетле еллар булып истә кала. Укучыларның тормышы, тәртибе һәм укуы өчен янып-көеп йөрүче, һәр адымнарын күзәтеп, ялгышлардан саклаучы, балаларының шатлык-борчуларын бүлешеп яшәгән әти-әниләр өчен дә, якты кояш кебек, күңелләрне назлап җылыткан, авыр чакта ярдәм кулы сузган, сабыр сүзе белән юаткан укытучылар өчен дә.Мәктәбебезнең чыгарылыш укучылары - җаваплы, мөстәкыйль фикерле 3 егет. Аларны без чын күңелебездән мәктәпне уңышлы тәмамлап чыгулары белән котлыйбыз, саулык-сәламәтлек, уңышлар телибез!

Бүген лагерьның 20 нче көне. Иртәгә лагерь үзенең эшен туктата. Шуңа да балалар белән бүген тәрбиячеләр Сабан туе үткәрделәр. Ял итүче балаларыбыз татар милли уеннарда бик актив катнаштылар. Бүләкләр дә беркемне дә битараф калдырмады.