Бу көн тагын да могҗизалырак итеп үткәрелде. Авыл уртасындагы чишмәбезгә барып ярдәм итеп кайттык. Авыл клубында нинди генә яңа биремле уеннар өйрәнмәдек. Посадкага барып нарат күркүләренә күзәтү ясадык. Бер генә минутыбыз да бүген бушка үтмәде. Ә пешекче апаларыбызның тәмле сыйлары телеңне йотарлык. Рәхмәт сезгә, лагерьны оештыручылар. 

Җәйге көннәрнең төрлечә булуы беркемгә дә комачауламый. Әле кояш чыга, әле яңгыр явуга карамастан, укучыларыбызның кәефләре күтәренке. Тәрбияче апалары нинди генә яңа уеннар, мавыктыргыч экскурсияләр оештырмый. Бездә бик күңелле.

Көтеп алынган лагерь үзенең ишекләрен ачты. Без янәдән шатланып мәктәп бусагасын атлап кердек. Тәрбияче апаларыбыз инде күптән биредә, безне көтә. Йөзләрендә елмаю. Могҗизалы көн булырга охшаган. Без бүген үз отрядларыбызны булдырдык. 

Первый день лагеря был посвящен ко дню русского языка. Полезная информация воспринимается детьми в игровой форме. Поэтому Сайфутдинова А.М. провела разные викторины и игры. Путешествовали по Пушкинским сказкам. 

 Усемлекләр  бөтен тереклек ияләренә суларга гына түгел, дәваланырга да булышалар. Кешеләр борынгы заманнарда ук хайваннарның кайбер үсемлекләргә игътибар иткәннәрен күргәннәр. Шуннан бу үсемлекләрне өйрәнә башлаганнар,аларның файдалы якларын ачканнар. Май кычытканы бигрәк тә файдалы. Ел саен мәктәп коллективы "Ак барс Кайбыч - 1" филиалына терлек азыгы өчен кычыткан җыеп тапшыра. Быел да мәктәп коллективы бу эштән читтә калмады.

Бүген 9 нчы сыйныф укучылары биологиядән төп дәүләт имтиханын тапшырдылар. Уку елы буена туплаган белемнәренең югары булуын исбатлап күрсәткәннәр дип өметләнәбез!

Менә каникуллар килеп тә җитте. Алда өч айлык күңелле җәй. Җәй – ял гына түгел, балаларның сәламәтлеген ныгыту өчен дә иң әйбәт вакыт бит. Моның өчен бездә тиздән мәктәп янындагы лагерь эшли башлаячак.

1 июнь - Халыкара балаларны яклау көне ел саен төрле чаралар белән үрелеп билгеләп үтелә. Бу көнне дөньяның барлык почмакларында кызлар-малайлар өчен бәйрәм чаралары, концертлар, төрле бәйгеләр оештырыла. Безнең мәктәптә дә бәйрәм хөрмәтенә балалар Сабантуе оештырылды.

2016-2017 нче уку елы ахырына якынлашты. Мәктәпне 3 укучы "5" билгеләренә (Гобәева Миләүшә, Зайнуллина Алия, Мадаминова Асия - 4 кл); 15 укучы "4" һәм "5" билгеләренә тәмамлады. Җәй көннәрендә дә укуны онытмыйча, алган белемнәрне ныгыту өстендә эшләргә кирәк.

Бүген мәктәбебезнең 9 нчы сыйныф укучылары рус теленнән төп дәүләт имтиханын тапшырдылар. Укучыларга барлык имтиханнарын уңышлы тапшырып чыгып максатларына ирешүләрен теләп калабыз!