"Дуслык" мәктәп яны лагеренда 12 июнь-Россия көне уңаеннан күп кенә чаралар уздырылды. Укучыларга дәүләт символлары аңлатылды, Россия гимнын җырладылар.Ә иң күңеллесе, мөгаен, асфальтка рәсем ясау конкурсы булгандыр. Балалар рәхәтләнеп, бөтен фантазияләрен эшкә җигеп ярыштылар.

Могҗизаларны кем генә яратмый икән?! Лагерьның сигезенче көне юкка гына "Могҗизалар көне" дип аталмаган икән. Тәрбияче апалары Хәсәнова Миләүшә Мансур кызы балалар  төрле фокуслар күрсәтте,соңыннан командалар үзләре дә кызыксынып бер-берсен бүлә-бүлә,ярыша-ярыша осталыклары белән бүлештеләр.

Бүген, лагерьның 7 көне, "Сәламәтлек көне".Балалар табигать кочагында рәхәтләнеп ял иттеләр, сәламәтлекләрен ныгыттылар.

Серле,кызыклы,тылсымлы әкиятләрне кем генә яратмый икән?! Аларның нигезендә мавыктыргыч та, гыйбрәтле дә, үгет-нәсыйхәт бирә торган хәлләр ята.Шул уңайдан,бүген лагерьда әкиятләр көне уздырылды.Балалар рәхәтләнеп әкиятләр укыдылар,карадылар,хәтта үзләре дә уйнадылар.Бер мизгелгә әкият геройлары да булып алдылар.

Бүген, лагерьның 5 нче көне,"Иҗат көне"дип аталды.Балалар көн дәвамында үзләренең сәләтләрен сынадылар,остазлары оештырган төрле иҗади бәйгеләрдә көч сынаштылар,рәхәтләнеп күңел ачтылар,мультфильмнар карадылар,рәсемнәр ясадылар.Бүгенге көн дә күңелләрендә онытылмаслык тәэсирләр калдыргандыр.

Бүген лагерьда экология көне узды.Әлеге уңайдан балалар тәрбияче апалары белән табигать кочагында төрле уеннар уйнадылар,авыл уртасында челтерәп аккан чишмәгә сәяхәт иттеләр, тирә ягының чисталыгына игътибар иттеләр. 

Бүген лагерьда "Сәламәтлек көне".Балалар саф һавада төрле спорт уеннары уйнадылар,шул темага викторина уткәрделәр. А.С.Пушкин туган көнен искә алдылар.Тормышы һәм иҗаты буенча презентация карадылар,кызыксындырган сорауларга җаваплар алдылар.

Лагерьның икенче көне юл кагыйдәләренә багышланган.Балалар тәрбиячеләр белән берлектә юл кагыйдәләрен искә төшерделәр,төрле ситуацияләр турында әңгәмә оештырдылар,рәсемнәр ясадылар.

Бүген мәктәбебездә "Дуслык" исемле ял һәм сәламәтлек лагере эшли башлады.  Балалар тәрбиячеләре белән берлектә лагерьны тантаналы төстә ачып җибәрделәр,  Гимн музыкасы астында Татарстан флагын күтәрделәр,режим белән таныштылар,командаларга бүленеп исемнәр билгеләделәр,хәрәкәтле уеннар уйнадылар.Фельдшер Сибгатова Ф. балаларның сәламәтлек торышларын тикшерде.Лагерьда  балаларны экскурсияләргә алып бару планлаштырылган. Экскурсияләр туган ягыбызны, аның тарихын өйрәнүгә кызыксыну уятырга ярдәм итәчәк. Җәй хәвеф-хәтәрсез үтсен, ул балаларга бары шатлык китерсен.