Бәйрәмнәрнең иң матуры - ул Бөек Җиңү көне. "Мәңгелек ут" мемориаль комплексына чәчәкләр салу - сугыштан кайтмый калган якташларыбызга, сугышта катнашкан әби  - бабайларыбызга хөрмәт билгесе. Без, балалар, сезгә хөрмәтле! Без онытырга тиеш түгелбез!

Еллар узган саен без Бөек Җиңүнең олуг әһәмиятен, рухи дәвамчанлыгын ачыграк аңлый барабыз. Бу изге көндә без сугышта каһарманнарча көрәшкән, хезмәттә тиңдәшсез фидакарьлек күрсәткән, Ватанын өзелеп сөйгән данлы буын вәкиленә чиксез рәхмәтебезне белдерәбез.
9 май - ул өлкән буынның кан-күз яшьләре, ачлык-ялангачлык аша табылган, үтә кыйммәткә төшкән Җиңү көне. Бу сагышлы бәйрәм, яшь аралаш сөенә торган көн. Без, бүгенге буын, Бөек Җиңү көнен якынайткан ватандашларыбызны һичкайчан онытмаска, һәлак булганнарны данга күмәргә, исәннәр турында һәрчак кайгыртырга тиеш.
Күпме кайгы-хәсрәт кичергән җиребезгә бүтән беркайчан да сугыш афәте килмәсен иде. Балаларыбыз һәм оныкларыбыз сугышның үзәк өзгеч фаҗигасен беркайчан да белмәсен, ә аналарыбыз, хатын-кызларыбыз, апа-сеңелләребез беркайчан да якыннарын югалту кайгысыннан күз яшьләрен түкмәсен иде! Сезнең һәркайсыгызга саулык, сәламәтлек, иминлек, гаиләләрегезгә, җиребезгә тынычлык телибез.

Тирән ихтирам белән, 2нче гимназия коллективы

#"ҖИҢҮ ТӘРӘЗӘЛӘРЕ" Бөтенрәсәй акциясе старт алды. Бу акциядә безнең гимазия укучылары да катнаша.

Стартовала всеросийская акция "ОКНА ПОБЕДЫ", в котором принимают участие и учащиеся нашей гимназии.

Бөек Ватан сугышы ветераннарын якынлашып килүче Җиңү көне бәйрәме белән котлаулар уза. Бугенге көндә безнең ветеран укытучыларыбыз арасында 8 тыл ветераны бар: Ирек Таһирович, Әнисә Әшрәповна, Зөфәр Яруллович, Фәгилә Хәҗиевна, Наҗихә Латыйповна, Роза Бәдриевна, Анна Ивановна, Гөлчәчәк Ибраһимовна. Алар сугыш елларының бөтен авырлыкларын  үз башларыннан кичергән хөрмәтле ветераннарыбыз. 

Гимназия администрациясе, профком, педколлектив һәм укучылар исеменнән 1977 елдан башлап 9 ел дәвамында 2нче татар - рус мәктәбе директоры булып эшләгән ветеран укытучыбыз Ирек Таһировичны 90 яшьлек юбилее һәм якынлашып килүче Җиңү көне бәйрәме белән котладык. 

"ТАТАР МАЛАЕ-2021" бәйгесендә 3 урынны алган 2нче сыйныф укучысы ВӘЛИУЛЛИН КӘРИМНЕ чын күңелдән котлыйбыз!

Сегодня, 29 апреля, учащиеся 10-11-х классов приняли участие в Международном историческом диктанте на тему событий Великой Отечественной войны - "ДИКТАНТ ПОБЕДЫ". 

С 26 апреля по 2 мая проходит ЕВРОПЕЙСКАЯ НЕДЕЛЯ ИММУНИЗАЦИИ. Основная цель ЕНИ-2021 - повышение уровня знаний населения о важности иммунизации в предупреждении инфекционных заболеваний.

Бүген гимназиядә Тукайның тууына 135 ел тулу көненә багышланган күп чаралар узды: "Ачык микрофон"да теләк белдергән барлык кеше Габдулла Тукайның шигырләрен татар, рус, инглиз телендә сөйләде. 8в сыйныфының гүзәл кызлары һәм туган тел һәм әдәбияты укытучысы Энҗе Әзһәм кызы әзерләгән бик тирән эчтәлекле "Тукай һәм мәхәббәт" музыкаль - поэтик композия күрсәтте,  10 сыйныф укучылары Габдулла Тукай һәйкәле янында әдәби марафонда катнаштылар. Чараларны оештырган, уздырган һәм катнашкан укучыларыбызга, укытучыларыбызга, өлеше кергән һәммә кешегә бик зур рәхмәт эйтеп калабыз.