Продолжается неделя «Шаги к психологическому благополучию», сегодня прошли мероприятия в 3-4 классах

В рамках Республиканской недели по психологии «Шаги к психологическому благополучию» прошли интерактивные мероприятия в 1-2 классах.

“Татар малае -2022” шәһәркүләм конкурсында катнашучы

3а сыйныф укучысы Насифуллин Кәрим - татар халкының гореф-гадәтләрен саклап-үтәп яшәүче, иманлы, җырлы-моңлы гаиләдә тәрбияләнгән, саф күңелле, татар малаена хас иң яхшы сыйфатларны үзендә туплаган гимназиянең алдынгы укучысы.

Кәримнең әнисе - Эльвира Шәйхуллина үзебезнең гимназияне тәмамлаган укучы, әбисе Факия Габдулловна гимназиядә күп еллар педагог–организатор булып хезмәт куйган хөрмәтле укытучы. Гимназия тарихында буыннар чылбыры бәйләнеше саклану, гимназиядә тудырылган милли мохит татарның матур, тәрбияле улларын һәм кызларын тәрбияләүгә җирлек булып тора.

Кәримнең сыйныф җитәкчесе Сәгыйтова Әнисә Әмировна укучысы турында: ”Кәрим - татар рухы бөркелеп торган, гаять тәрбияле, ышанычлы, чын татар егете. Мин аның бәйгедә җиңүен бик телим”,- диде.

Кәрим бәйгегә ныклаа

Уңышлар сиңа, Кәрим!

11 нче февраль көнне “Заман” Яшьләр үзәгендә Халыкара туган тел көне уңаеннан оештырылган “Татар теле – туган телем” дигән интеллектуаль уенның сайлап алу туры булып узды. Бишенче ел рәттән үткәрелүче бу уен татар теленә игътибарны арттыру, балаларны татарча сөйләшергә җәлеп итү, татар телен камилләштерү максатларыннан чыгып оештырыла.

Анда Комсомол районына кергән 3 мәктәп катнашты. Катнашучыларга бөек шагыйрьләрнең: Габдулла Тукай, Муса Җәлил, Фатих Кәрим, Каюм Насыйри иҗатларын тирәнтен белү кирәк иде. Мулланур Вахитов исемендәге гимназиянең 6В сыйныфы укучылары: Абдуллина Инзилә, Валеева Наилә, Гимазетдинова Сәидә бу биремнәргә бик яхшылап әзерләнделәр. Уен барышында төрле сорауларга җавап бирделәр, татар телен яхшы белүләрен күрсәттеләр. Кыскасы, данлыклы гимназия укучылары икәнлекләрен тагын бер кат расладылар. 3 мәктәп арасыннан 1 нче урынга чыгып 21 нче февральдә үтәчәк финалда катнашу хокукына ия булдылар.

Укучыларны бу бәйгегә Татарстанның атказанган укытучысы, тәрбия эшләре буенча директор урынбасары - Нурисламова Энҗе Әзһәм кызы әзерләде.

Финал уенында да зур уңышлар юлдаш булсын, Сезгә “Чулман энҗеләре”.

Бүген Яр Чаллы каласында «Лыжня Татарстана – 2022» - “Татарстан чаңгы юлы – 2022” ярышы булып узды. Чаллы мәктәпләрендә бу көн “Сәләмәтлек көне” итеп уздырылды. М.Вахитов исемендәге гимназия укучылары да сәләмәтлекләрен ныгытырга иң кулай вакыт булуын истә тотып, көннең җылы булуыннан файдаланып, гимназиягә килергә ашыктылар. 1-4 нче сыйныфлар арасында флешмоб, физзарядка ясау, гимназия яны бозында тимераякта шуу, саф һавада төрле спорт уеннары оештырылды. Ә 5 -6 нчы сыйныфлар арасында оештырылган шәһәркүләм “Әтиләр парады” бәйгесенең мәктәп этабы ярышы – гаилә бәйрәменә әйләнде. Гимназиябезнең физкультура укытучылары: Хайруллин Нәсфәт Әшрәфуллович һәм Хәбибуллин Илнур Рафаэлович ярыш өчен төрле кирәк – яракларны алдан әзерләп куйганнар. Ярыш 5 төрне үз эченә алды. Алты гаилә арасында уздырылган бу ярышта I урынны 6Б сыйныфыннан Ясәбиевлар гаиләсе (сыйныф җитәкчесе – Вәлеева Суфия Василовна), II нче урынны 5 А сыйныфыннан Мәүлиевлар гаиләсе (сыйныф җитәкчесе - Заһитова Зөлфия Мөхәмәтнуровна), III нче урынны Нуриевлар гаиләсе (сыйныф җитәкчесе – Ризванова Гөлшат Рәзифовна) һәм Фарваевлар гаиләсе (сыйныфы җитәкчесе - Шәйхаттарова Сәвия Өлфәтовна) яулады. Җиңүчеләргә һәм актив катнашучыларга дипломнарны гимназиянең тәрбия эше буенча директор урынбасары Нурисламова Энҗе Әзһәм кызы тапшырды. Сәләмәтлек көне буенча уздырылган чаралар һәр укучыда уңай тәэсирләр калдырды.

В 2022/2023 учебном году в МБОУ "Гимназия № 2" открывается три 1-х класса: всего 75 учащихся. Приём заявлений начинается с 1 апреля 2022 года.

Татар әдәбиятыннан республикакүләм олимпиадада ПРИЗЕР булган 10Б сыйныф укучысы Демашина Диананы чын күңелдән котлыйбыз! Укучыны олимпиадага әзерләгән Вәлиева Суфия Василовнага зур рәхмәтебезне белдерәбез!

ТАТАР ТЕЛЕННӘН республикакүләм олимпиадада ҖИҢҮЧЕ булган 9В  сыйныф укучысы ИШАЛИНА АЙСЫЛУНЫ чын күңелдән котлыйбыз!

Укучыны олимпиадага әзерләгән укытучы Нурисламова Энҗе Әзһәм кызына  зур рәхмәт белдерелә!!!

Кичә шәһәребезнең Аяз Гыйләҗев исемендәге татар дәүләт драма театрында Татарстанның атказанган артисткасы, Дамир Сираҗиев исемендәге республика бүләге лауреаты Шиһапова Энҗе Фрунзевнаның юбилей кичәсе булып узды. Юбилейда актрисаның хезмәттәшләре, Республиканың танылган башка театр режиссерлары, актерлары аның 30 еллык хезмәтенә югары бәя бирделәр. Кичәнең 1 нче өлеше Энҗе Фрунзевна башкаруында тамашачы күңеленә кереп калган образлар тезмәсе форматында, юбилярның эчке кичерешләре белән баетылып төзелгән иде. 2 нче өлешендә исә, аны котлап килгән кунакларга сүз бирелде.

Мулланур Вахитов исемендәге гимназиядә 4 нче ел рәттән “Тылсым” театр студиясен җитәкләгән Энҗе Фрунзевнаны тәбрикләргә гимназия укытучылары һәм укучылары да килде. 2 нче гимназиядә озак еллар дәвамында тәрбия эшләре буенча завуч булып эшләгән Харисова Энҗе Мирзанур кызы һәм хәзерге вакытта әлеге вазыйфаны башкаручы Нурисламова Энҗе Әзһәм кызы Энҗе Фрунзе кызына, гимназия укучыларында театр сәнгатенә карата мәхәббәт уятуы, куйган хезмәте өчен рәхмәтле булуларын җиткерделәр. Киләчәктә дә зурдан – зур уңышларга ирешүен теләделәр.

Юбилей кичәсе онытылмаслык матур хатирә булып истә калды.

27 нче гыйнвар көнне безнең гимназия “Блокада икмәге” Бөтенрәсәй акциясендә катнашты. 1-11 класс укучылары өчен класс сәгатьләре уздырылды. 6В сыйныф укучылары әлеге истәлекле датага багышланган чара күрсәттеләр. Тарих укытучысы Каюмов Ренат Габдрахманович Ленинград блокадасына багышланган дәресләр уздырды.

872 көнгә сузылган Ленинград блокадасын, ул көннең аянычлы тарихын, бер сынык икмәкнең кадере хакында беркемнең дә онытырга хакы юк! Әлеге тарихи дата гимназия укучыларын битараф калдырмады. Ленинград блокадасына багышланган стенд – күргәзмә белән укучылар озаклап таныштылар.

Бары тик рухи яктан көчле булган, гаделлекнең җиңүенә ышанган совет кешесе генә әлеге авырлыкларны җиңеп чыга алган. Илебез , күгебез һәрчак аяз булсын, сугыш афәтләрен күрергә язмасын!