Казан шәһәрендә технология буенча республика олимпиадасының йомгаклау этабы узды. Безнең гимназиянең 9 нчы сыйныф укучысы Шафиков Кәрим (җитәкчесе Мурзаханов М.А.) югары нәтиҗәләргә иреште һәм призер булды. Молодец. Котлыйбыз. Алга таба җиңүләр телибез!

Казан шәһәрендә технология буенча республика олимпиадасының йомгаклау этабы узды. Безнең гимназиянең 8 нче сыйныф укучысы Валиев Данис һәм 7 нче сыйныф укучысы Нигматуллин Ильяр (җитәкчеләре Мурзаханов М.А.)югары нәтиҗәләргә ирештеләр һәм призер булдылар. Молодцы. Котлыйбыз. Алга таба җиңүләр телибез!

Дәүләт стандартларының нигезендә СДП ятканын истә тотып , башлангыч сыйныф укытучылары шул белемнәрне искә төшерү һәм ныгыту өстендә эшләр өчен түгәрәк өстәлгә җыелдылар. Төркемнәрдә эшләп, теорияне искә төшерделәр. Видеодәрескә тирәнтен анализ ясалды. Барыбыз өчен дә файдалы hәм мавыктыргыч булды. БИК зур рәхмәт! Супер!

Туган телләр айлыгы кысаларында  8нче Б (сыйныф җитәкчесе Харисова М.Р.) һәм 8нче В сыйныф укучылары (сыйныф җитәкчесе Хаҗиева З.Г.) Салих Сәйдәшев исемендәге Түбән Кама музыка көллиятенә бардылар. Укучылар Камал театры артистларының Г.Тукаебыз әсәрен сәнгатьле укуларын,"Зәңгәр шәл" спектакеленнән өзекне яратып карадылар. Камал театры оркестры чыгышын алкышлар белән озаттылар. Очрашу укучылар өчен кызык та, онытылмаслык та, файдалы да булды.

Туган телләр айлыгы кысаларында шәһәр китапханәсе хезмәткәрләре 3 Б сыйныфы укучылары,сыйныф житәкчеләре Шарапова М.А. белән берлектә “Туган телем” дигән дәрес уздырдылар.Балалар төрле-төрле сорауларга җавап бирделәр,танылган шагыйрьләрнең шигырьләрен тыңладылар.

Үткән атнада Казан шәһәрендә Рус әдәбияты буенча,туган тел(рус булмаган) укыту мәктәпләрендә укучылар өчен, буенча республика олимпиадасының йомгаклау этабы узды. Безнең гимназия укучысы Гилязова Гөлназ (җитәкчесе Набиева С.И.) югары нәтиҗәләргә иреште.. Молодец. Котлыйбыз. Алга таба җиңүләр телибез! 

Гимназиядә СИБУР компаниясенең "Яхшы эшләр формуласы" социаль инвестицияләр программасы ярдәмендә "Хәерле открытка" проекты кысаларында бәйрәм открыткалары ясау буенча мастер-класс узды. "Түбән Кама Нефтехим" акционерлык җәмгыяте волонтеры Гиматдинова Гүзәл 7 "В" сыйныфы укучылары белән Ватанны саклаучылар көненә багышланган бәйрәм открыткалары әзерләде. Балалар җылы теләкләр яздылар, Ватанны саклаучылар көне белән котладылар. Открыткалар хәрби хезмәткәрләргә тапшырылачак һәм шәһәрнең өлкән яшьтәге кешеләренә бүләк ителәчәк. Открыткалар әзерләү буенча мастер-класслар шимбә көннәрендә шәһәрнең төрле мәктәпләрендә, шулай ук бәйрәмнәргә гаилә укуы китапханәләрендә узачак: Халыкара хатын-кызлар көне, Җиңү көне, Балаларны яклау көне, өлкән яшьтәге кеше көне. Меропиияләрдә теләгән һәркем катнаша ала.

15 нче февраль вакыйгаларга бик бай .Безнең гимназия укучылары Муса Жәлил һәйкәле янында язучының шигырьләрен уку флешмобында катнашты.

Герой-шагыйрь Муса Җәлил- татар шигърияте түрендә якты янган йолдызларның иң зурысы. Аның иҗат җимешләре һәм андагы рухи яктылык-безнең горурлыгыбыз. Аның исеме мәдәниятебез тарихының үткәне, бүгенгесе һәм киләчәге белән мәңгегә бәйләнгән.15 февраль – татар халкының герой шагыйре Муса Җәлилнең тууына 117 ел. Бүген гимназиядә язучының тормыш юлы һәм ижатына багышланган чаралар узды. Укучылар язучыга багышланган истәлек докуметаль фильм карадылар.

Гимназия укучылары "Сөй гомерне, сөй халыкны, сөй халыкның дөньясын" дип исемләнгән Бөтенрәсәй Форумында катнаштылар. Нәтиҗәдә Салахиев Ралиф, Шарифуллин Данир 1 урынга, Гатиятуллин Зөфәр лауреат исеменә лаек булдылар. Җитәкчеләре- Зарипова Ә.Г. Тухватуллина Альмира 1 урын,житәкчесе Гарифуллина Л.В. Минегалиев С. 2 урын,житәкчесе Хәйруллина Р.А.
Магсумов Кәрим,1А, лауреат,житәкчесе Махмутова А.Б. Укытучыларны һәм укучыларны җиңүләре белән котлыйбыз, алга таба да уңышлар телибез!