Муниципальное бюджетное общеобразовательное учреждение «Курманаевская основная общеобразовательная школа» Нурлатского муниципального района Республики Татарстан/ Татарстан Республикасы Нурлат муниципаль районы "Кизләү төп гомуми белем мәктәбе" муниципаль бюджет гомуми белем учреждениесе
Визитная карточка
| Адрес: | 423001, Республика Татарстан, Нурлатский район, с. Курманаево, ул. Школьная, д. 2а/423001 Татарстан Республикасы, Нурлат муниципаль районы, Кизләү авылы, Мәктәп урамы, 2а нчы йорт |
| Телефон: | +7(843)-453-45-72 |
| E-Mail: | sch1274@mail.ru |
| Министерство: | Министерство образования и науки Республики Татарстан |
| Короткое название: | МБОУ "Курманаевская ООШ" |
| Руководитель: | Бильданова Гульнар Исмагиловна |
| Год основания учреждения: | 1913 |
| У нас учатся: | 32/Бездә укыйлар 32 |
| У нас учат: | 12/Бездә укыталар 12 |
Муниципальное бюджетное общеобразовательное учреждение «Курманаевская основная общеобразовательная школа» Нурлатского муниципального района Республики Татарстан/ Татарстан Республикасы Нурлат муниципаль районы "Кизләү төп гомуми белем мәктәбе" муниципаль бюджет гомуми белем учреждениесе - новости
Страницы: << 51 52 53 54 55 56 ( 57 ) 58 59 60 >>
-
Халыкара туган тел көне 21.02.2017
Бүген мәктәптә Халыкара туган тел көненә багышланган чаралар узды.
Мәктәбебезнең 1 нче катында әлеге көнгә багышланган китап күргәзмәсе ачылды.
Кадерле милләттәшләр!
Бер хаҗәтсез кайчак
Телне шундый бозып сөйлибез!
Ил колагын хурлап, халкыбызның
Рухын рәнҗетәбез димибез!
Мескенләнмик, бакый гомер килгән
тел байлыгын итмик кадерсез.
Бер уйласак, илаһи бит, изге-
кеше әйткән аваз, һәрбер сүз!
Иренмик без туган телнең
асыл байлыкларын ачарга.
Без ваемсыз булсак, чит-ят сүзләр
хәзинәне әзер басарга...
Телебез саф, фикеребез ачык, намусыбыз ак булсын!Сурәттә "Туган тел"не күмәк башкару мизгеле
-
Хәрби-патриотик айлык кысаларында җыр һәм сафта йөрү конкурсы 21.02.2017
Хәрби - патриотик айлык кысаларында бүген мәктәптә җыр һәм сафта йөрү смотр-конкурсының мәктәп туры узды. Ярышта катнашкан 5 команда арасыннан урта звенода Колмөхәммәтов З. җитәкчелегендәге "Катюша" отряды һәм башлангыч мәктәп звеносында Мөхәммәдрәхимов Ф. җитәкчелегендәге "Елмаю" отрядлары җиңүче дип танылды. Афәрин!
Яшь солдатлар килә:
Спортзалда яңгырый җыр,
Яңгырый речевка.
Тигез сафта бердәм адым белән
Яшьлек килә безгә алмашка!
-
Әфганчы белән очрашу 18.02.2017
Әфган җиреннән Совет гаскәрләрен чыгару датасына багышланган кичәбездә шул сугышның ачысын-төчесен күргән интернационалист -сугышчы- мәктәбебезнең дәрәҗәле укытучысы Халитов В.М. белән очрашу үткәрелде.
-
Рус теле атналыгының 4 көне 16.02.2017
Рус теле һәм әдәбияты атналыгының бүгенге көне 4-5 сыйныфларның малайлар һәм кызлары арасында "Кыюлык кайда, җиңү шунды" ("Где смелость, там и победа") исемле уен белән башланды. Рус теленнән Колмөхәммәтова З.Э. тарафыннан уздырылган бу квест катнашучыларда да, тамашачыларда да зур кызыксыну уятты. Төрле биремнәр үтәп, квест ахырында һәр команда батырлык һәм кыюлык турында шифрланган мәкальне төзергә тиеш иде. Катнашучылар сынатмады! Афәрин!
-
Китапханәгә керми калмагыз! 15.02.2017
Мәктәп китапханәсендә укучылар өчен Әфган сугышы турында мәгълүматлар алмаш тактага беркетелде. Укучылар, укымый калмагыз!
-
Рус теле атналыгының 3 нче көне 15.02.2017
Рус теле һәм әдәбияты атналыгының 3 нче көне герой -шагыйрь, татар халкының каһарманы Муса Мостафа улы Җәлиловның тоткынлыктагы иҗатына, аның батырлыгына, рух ныклыгына багышланган батырлык сәгате буларак узды. Аның беренче өлешен - Җәлилнең тоткынлыктагы иҗаты һәм гражданлык батырлыгын рус телендә өлкән варислар презентацияләде; икенче өлеше исә каһарман шагыйрьнең "Моабит дәфтәре" циклыннан рус теленә тәрҗемә ителгән шигырьләрне сәнгатьле уку конкурсы буларак узды.
Конкурста барлыгы 10 укучының чыгышы тыңланды. Нәтиҗәләр рус теле атналыгын йомгаклау кичәсендә билгеле булачак. -
Рус теле һәм әдәбияты атналыгының 2 нче көне 14.02.2017
Рус теле һәм әдәбияты атналыгының хәрби-патриотик айлык белән тәңгәл килүендә тирән мәгънә тоеп, бүген мәктәптә батырлык темасына (отрывок из произведения "Живые нити" Р.Мустафина ) мәктәпкүләм диктант язу оештырылды. Диктантлар тикшерелеп, мәктәбебезнең иң белемле укучысы ачыкланачак һәм уңай билге алган диктантлардан алдагы көннәрдә күргәзмә оештырылачак. Хәзергә исә диктанталар тикшерү уза, ә диктант язучылар, дулкынланып, эш нәтиҗәләрен көтәләр. Аларның барысына да уңышлар телибез
-
"Президентские состязания" ярышларында 2 нче урын безнеке! 14.02.2017
Бүген 5 нче сыйныф укучылары "Президентские состязания" ярышларының куст этабында 2 нче урынга лаек булды. Ярыш рухы, җиңү дәрте алырны киләчәктә тагын да зуррак уңышларга рухландырсын. Котлыйбыз!
Команда җитәкчесе-физик тәрбия укытучысы: Кәбиров Ә.З.
-
Туган ил каян башлана? 14.02.2017
Хәрби-патриотик айлык кысаларында 7 нче сыйныф укучылары "Безнең гаилә традицияләре" темасына минипроектлар башкарды. Туган ил каян башлана дигәндә, һәркем аның бала дөньяга килгән гаиләдән һәм анда хөкем сөрүче гаилә традицияләреннән икәнен ачык белергә тиеш. Мәктәбебезнең барлык укучыларын әлеге проектка кушылырга чакырабыз! Иҗади эшләр, стена газеталары хуплана!
-
Татарстан балалары- Сирия балаларына 13.02.2017
Мәктәбебезнең "Шатлык"СМС балалар отряды яңа составта үзенең эшен башлап җибәрде. Бүген әлеге отряд мәктәп укучыларын Кызыл байраклы Үзәк хәрби округ тарафыннан ТР Мәгариф һәм Фән министрлыгы белән берлектә уздырылучы "Татарстан балалары -Сирия балаларына" дигән гуманитар акциясен үткәрде. Гуманитар ярдәм йөзеннән канцелярия товарлары, иң мөһим көндәлек кирәк-ярак товарлары кабул ителде. Мәктәбебезнең бер укытучысы да әлеге игелекле гамәлдән читтә калмады.
