Бүген мәктәбебездә Әниләр көненә багышланган бәйрәм концерты булды. Концерт "Алмаш" балалар оешмасы эзтабарлары һәм варислары катнашында үткәрелде. Дәртле биюләр, нәфис сүз, җырлар, кулдан ясалган истәлекле бүләкләр- барысы да иң кадерлеләребез өчен! Алай гына түгел, эзтабарларыбыз, әниләре килүгә , тематик рәсемнәр күргәзмәсе оештырса, варисларыбыз "Әнием- бердәнберем" дип аталган иҗади язмалардан күргәзмә оештырды.

Әниләребез бәйрәмне бик ошаттылар: һәркем үз нарасыен бүген мәктәп сәхнәсенең зур артисты итеп күрә алды бит!

Мәктәбебез бүген шатлыклы вакыйгалардан гөр килә. Бүген- бик җаваплы көн, чөнки "Укытучы-остаз"лар  Ганиева И.И. һәм Колмөхәммәтова З.Э. җитәкчелегендәге төркемнәр үз проектларын тамашачылар каршында яклады. Эзтабарларыбыз , экологик проект башкарып, авылыбыз чисталыгын тәэмин итү юлларын тәкъдим итте. Варисларыбыз исә, Кизләү авылының авыл туризмы проекты кысаларында туробъект булырга хаклы булуын дәлилләп, килгән кунакларны, мәктәп укучыларын экскурсион маршрутлар белән таныштырды.

"Шатлык" балалар отряды  авылыбызның Мәктәп урамы 2а йорты каршындагы мәйданчыкта "Сәламәт ана-сәламәт бала" шигаре астында чираттагы акцияләрен уздырды. Урамнан узучы бер хатын-кыз да чәчәксез һәм үз адресына комплиментсыз калмады. Аларга  сәламәт яшәү рәвеше алып баруы белән һәркемгә үрнәк булуы өчен рәхмәт сүзләре әйтелде,  Бу чара Хокук бозуларны кисәтү айлыгы кысаларында  тагын да әһәмиятлерәк тоелды. Катнашучы һәркем киләчәк буынның сәламәтлеге аларның сәламәт яшәү рәвеше алып барулары белән турыдан-туры бәйле булуына төшенде.

Чыгарылыш сыйныф укучыларыбыз рус теленнән ДЙА форматында сынауларын уңышлы тапшырган. Афәрин! Без Сезнең өчен бик шат! Укуларыгызның нәтиҗәсе һәрвакыт уңай булсын! Рус теле һәм әдәбияты укытучысы Хәбибуллина Ф.И. ата-аналар исеменнән эчкерсез рәхмәтебезне җиткерәбез.

СМС балалар отряды "Сообщи, где торгуют смертью" акциясен уздырды. Чара барышында авылдашларны әйләнә-тирәдәге һәркемгә, вакыйгаларга битараф булмаска чакырдылар алар. Акциядән соң "Шатлык" отряды әгъзалары Пионер урамындагы мәгълүмат тактасына әлеге акция турында белдерү һәм ышаныч телефоннары язылган листовкалар ябыштырды..

Мәктәбебездә "Алмаш" балалар оешмасы варисларыннан оешкан "Шатлык" СМС балалар отряды бүген чираттагы акцияне уздырды. Ул Тәмәкедән халыкара баш тарту көненә багышланды.

Акция  барышында оештыручылар тарафыннан 26 кешедән,  үзләре теләп , бер көнгә тәмәке тартудан баш тартуларын белдереп имзалар җыелды; тәмәке тартуның тартучыга һәм әйләнә-тирәдәгеләргә зыянын сурәтләгән һәм сәламәт яшәү рәвеше алып баруның өстенлекле якларын күрсәткән памяткалар таратылды.

Бүген Хокук бозуларны кисәтү айлыгы кысаларында мәктәпкүләм ата-аналар җыелышы узды. Җыелышта катнашучыларга укучыларның 1 нче чирек йомгаклары җиткерелде, "Тәмәкедән халыкара баш тарту көне" кысаларында медицина белгече чыгышы тыңланды, шулай ук укучыларның кесә телефоннарын дөрес максатларда файдалануларын контрольгә алу мәсьәләсе каралды.

Сегодня в школе  проведены мероприятия, посвященные Всероссийскому дню Самбо.

Общешкольный  информационный час о развитии  Самбо в нашей стране завершился литературно- музыкальной  композицией "Мы выбираем Самбо".

Проведено открытое занятие школьного кружка "Самбо", под руководством Кабирова А.З. 

Видеорепортаж о ходе Всероссийского дня Самбо в нашей школе можно посмотреть по ссылке:  http://www.nurlat-rt.ru/ru/video/item/5846-sambo-eto-vam-ne-tango.html  

Бүген мәктәбебездә Бөтенрәсәй самбо көненә багышланган тематик чаралар узды. Иртәбез Самбо тарихын ачуга багышланган мәгълүмати иртә, әлеге спорт төрен зурлаган шигырь һәм җырларны эченә алган шигъри- музыкаль композиция белән башланды. Кәбиров Ә.З. җитәкчелегендә Самбо түгәрәгенә йөрүчеләрнең күрсәтмә шөгыле бүгенге көннең иң матур вакыйгасы булды. Мәктәбебездә Самбо түгәрәге эшчәнлеге турында Нурлат ТВ төшергән "Самбо- это вам не танго" видеоязмасы аша да таныша аласыз. Видеоязмага сылтама http://www.nurlat-rt.ru/ru/video/item/5846-sambo-eto-vam-ne-tango.html 

Мәкәбебез фойэсенда Бөтенрәсәй Самбо көненә багышланган рәсемнәр күргәзмәсе эшли. Укучылар тарафыннан ясалган һәр рәсем аларның спортның бу төренә соклануларын күрсәтә. 

Сурәттә: күргәзмәбездә иң уңышлы дип табылган рәсем, идея авторы - "Алмаш" балалар оешмасы варислары, рәссам- балалар оешмасы рәисе Колмөхәммәтов З.