Каникул чоры - мәктәптә балаларның аеруча шатлыклы авазлары яңгырый торган чор. Уен-көлке, шаян сүз, ярыш, узышлар һәркем күңеленә хуш килә.  Мәктәп шугалагы - бөтен вакыйгаларның үзәге. Бүген исә шугалак мәйданын 1-5 нче сыйныф укучылары биләде. Алар өчен сыйныф җитәкчеләре шугалакта күңелле стартлар уздырды. 

Яңа елның беренче көне башлангыч һәм урта звено укучыларының күңелле очрашулары, хәрәкәтле уеннар белән узды. Яңа елыбыз күңелле вакыйгаларга бай булсын!

Республикакүләм "Киләчәккә билет" конкурсы җиңүчеләре арасында мәктәбебез укучысы  Колмөхәммәтов З. тә бар. Ул "Киләчәк һөнәре" номинациясендә 2 нче урынга лаек булды. Афәрин!

Бүген чыгарылыш сыйныф укучыларыбыз рус теленнән ДЙА форматында сынау  тапшырды. Аларның эш нәтиҗәләренең уңышлы булуын телибез. 

Башлангыч сыйныф укучылары өчен "Яңа ел могҗизасы" исемле бәйрәм тамашасы узды. Кыш бабай бүләкләреннән авыз итү өчен һәрчкемгә үз һөнәрен күрсәтергә, җырларга, биергә, елмаерга-көләргә рөхсәт ителде. Катнашучылардан бөркелгән уңай кәеф Яңа ел чыршысы утларында да чагылыш тапты. Маймыл елы һәрберебезгә уңай кәеф, укуда һәм эштә уңай нәтиҗәләр, эзләнү эшләрендә зур уңышлар, ныклы сәламәтлек алып килсен.

5-9 нчы сыйныф укучылары өчен бәйрәм тамашасы алар үзләре катнашында төшерелгән "Кыш бабай килә безгә" исемле фильмны карау белән башланды. Бәйрәм тамашасы җыр, бию, уен-көлке белән үрелеп барды. 

Мәктәбебезнең уку алдынгылары, спорт, дәрестән тыш эшчәнлек, балалар хәрәкәте лидерлары Нурлат МР башлыгы  Чыршы бәйрәмен тамаша кылдылар. Бәйрәм тәэсирләре укучыларыбыз күңелендә матур хатирә булып озак сакланыр.

Республикабыздагы иң күңелле бәйрәмнәрнең берсе- Илбашы Чыршы бәйрәмен карарга җыелган Республикабыз уку алдынгылары арасында мәктәбебездән Әхмәтова Ә. дә бар иде. Бәйрәм тантанасы барлык укучыларны укуда, спортта, җәмәгать эшләрендә яңа җиңүләргә, яңа үрләргә рухландырсын, балачакның иң истәлекле мизгелләреннән берсе булып, хәтерләрендә озак саклансын.

Бүген мәктәбебзнең СМС балалары- "Шатлык" отряды әгъзалары башлангыч сыйныф укучылары өчен һәм алар катнашында "Яркая, здоровая зимушка, зима!" акциясен уздырды. Күңелле стартлар, мәктәп шугалагында ярышлар, куышлы,  байрак алышлы... уеннарда укучылар бик теләп катнашты. Әлеге чара    Яңа елның 1 нче гыйнварында дәвам итәчәк.Уеннарда катнашырга рәхим итегез!

Атна дәвамында мәктәптә шәфкатьлелек дәресләре узды. Алар кысасында укучыларга видеофильнар күрсәтелде, әдәби әсәрләрдән өзекләр буенча фикер алышулар уздырылды.  Иң мөһиме, сәламәтлекләре чикле кешеләргә карата уңай мөнәсәбәт булдыру, ярдәмгә мохтаҗ кешеләргә карата игелеклелекнең мөһимлеген һәр бала үзләштерерлек итеп узды бу дәресләр.