Мәктәбебез укучылары һәм укытучылары  Кырым Республикасы Бакчасарай районы халкына  ярдәм йөзеннән уздырылгын Республикакүләм "Подари свет" акциясендә катнашты. Без алып килгән шәмнәр Бакчасарай халкына якты һәм тыныч тормыш, муллык, бәрәкәт символы булып янсын. Яңа ел илләргә тынычлык бирсен, гадәттән тыш хәлләр булмасын.

В период с 4 по 13 декабря 2015 года в рамках международной акции «Всемирный час кода» проводилась  акция «Час кода 2015», направленная  на повышение интереса учащихся 1-9 классов к информационным технологиям и поддержку интереса к изучению информатики и программирования, повышение престижа ИТ-специальностей.

Мәктәбебезнең "Шатлык"-СМС-балалар отряды җитәкчелегендә Украинаның Донецк, Луганск өлкәләрендә яшәүче балаларга Яңа ел бүләкләре җыю буенча хәйрия акциясе узды. Чит кеше кайгысына битараф булмаган һәм шушы чарада катнашкан, аны оештырган укучыларга рәхмәт белдерәбез. Үз изгелегегез яхшылык булып әйләнеп кайтсын!

Сурәттә җыелган әйберләрне барлау һәм опись төзү вакыты

Бүген мәктәптә Инвалидлар көненә багышланган тематик сыйныф сәгатьләре узды.

Үтә даннар, бетә маллар,

Күп эш кала күмелеп.

Күп эш калса да күмелеп,

Күмелеп калмый Игелек. 

Укучыларыбызның  киләчәк гомерен игелекле гамәлләр бизәсен иде.  Әйләнә-тирәдәге кешеләргә карата  битарафлык, гамьсезлек кебек сыйфатлар аларга чит булсын.

Мәктәптә Билгесез солдат көненә багышланган чаралар узды. Әдәбият, тарих дәресләрендә укучылар әлеге датаның килеп чыгуы һәм әһәмияте турында махсус чыгышлар ясады. Тәнәфесләрдә сугыш чоры, фронт җырлары яңгырады. Укучылар өчен "Хәтер маршы-2015"  видеоматериалларын карау оештырылды.

Җир шарының ак бәхете өчен

Яратылган җәүһәр, алтын сез.

Кешелекнең иң зур  зиннәте-сез,

Тормыш яме- Әнкәй, хатын-кыз!

Бүген мәктәбебездә "Әниләрен котлый бүген Җирдә барлык балалар" дип исемләнгән кичә узды. Бәйрәм кичәсен әниләр тамаша кылды. Аларга бәйрәм бүләге итеп укучылар көче белән әзерләнгән концерт программасы күрсәтелде. Бәйрәм чәй табыны артында дәвам итте.

Бүген мәктәбебез укучылары катнашында Т.Миңнуллинның "Кайда хаклык, кайда дөреслек?" пьесасы сәхнәгә куелды. Спектакль татар теле һәм әдәбияты атналыгын йомгаклау чарасы буларак тәкъдим ителде. 

Мәктәбебезнең СМС-балалар отряды бүген "Сәламәт ана-сәламәт бала" акциясе уздырды.

...Кем куллары өйне, җирне ямьли,

Изгелеге үлчзү тапкысыз?

Ул, әлбәттә, яшәү чыганагы,

Тормыш яме-Әнкәй, хатын-кыз!

  Акция барышында  авылдаш хатын-кызларга изге теләкләр белән ясалма чәчәкләр бүләк ителде.  

Бүген мәктәбебездә татар теле һәм әдәбияты атналыгы башланды. "Татар теле-дуслык теле" дип аталган чара татар теленең аралашудагы мөһимлеген һәм аның мөмкинлекләрен ачуга багышланган иде. Татар теле, өлкәннәр һәм кечкенәләр арасында мөнәсәбәтләр турында шигырьләр, сәхнә әсәрләреннән өзекләр, җырлар яңгырады бу чарада. Туган телебез Республикада яшәүчеләрне  дуслаштыруга, милләтара мөнәсәбәтләрне ныгытуга, татар милләтен төрле өлкәдә биек үрләргә алып менүгә хезмәт итсен иде. Оештырылган чара "Туган тел" җырын күмәк башкару белән тәмамланды.

 Мәктәбебез укучысы Колмөхәммәтов З. Чистай шәһәрендә "Яшүсмерләрнең язучы, публицист Кояш Тимбикова исемендәге I Регионара фәнни-эзләнү укулары"нда уңышлы чыгыш ясады.  Укулар кысасында язучы-шагыйрьләребез Рәдиф Гаташ, Илсөяр Иксанова, Мәдинә Маликова катнашында пленар утырыш  катнашучылар күңеленә бик хуш килде.  Әлеге чара толерантлыкның да матур чагылышы иде. Татар балалары рус, чуаш милләтеннән булган балалар белән фикер алышты, үз эшләрендә күтәрелгән проблемаларына башка милләт балаларының мөнәсәбәтләрен  тыңлады.  

Очрашу, киңәш-табыш итү-

Татарларның асыл сыйфаты.

Дуслык күпере салып өлкәләргә,

Күпме яшьләр бүген дуслашты!!!