Бүген 9 сыйныф җитәкчесе Сафиева Р.Х. 7-9 сыйныф укучылары белән

"ВИЧ  инфекциясе һәм аны булдырмый калу чаралары" дигән темага

тәрбия сәгате үткәрде. Сыйныф җитәкчесе укучыларга кешелеккә наркомания, 

ВИЧ инфекциясе,СПИД кебек афәтләрнең ничек куркыныч булуын аңлатты.

Статистик мәгълүматлар белән таныштырды.Һәр кешедә ихтыяр көче булырга, кешегә иярмичә

үз җавабыңны курыкмыйча әйтә белергә кирәклеген искәртте.

1-4 сыйныфларда бүген  "Ышаныч телефонына ничек мөрәҗәгать итәргә" темасына тәрбия сәгате үткәрелде.

Башлангыч сыйныф укытучысы Валиева Энҗе Мәхмүт кызы  ышаныч телефонының төп бурычлары: 

балаларның зарларын тыңлау, тормышта катлаулы һәм авыр хәлләргә юлыккан балаларны яклау,

аларга һәм әти-әниләренә ашыгыч психологик ярдәм күрсәтү, шалтырату аноним һәм бушлай икәнен

кабаттан искәртте. Укучылар темага кагылышлы мультфильмнарны кызыксынып карадылар.

17 май -Халыкара балалар ышаныч телефоны көне буларак билгеләп үтелә.Шул уңайдан

бүген 6 сыйныф җитәкчесе Әгъләмова Л.И. 5-9 сыйныф укучыларына "Ышаныч телефонына - "Әйе!"

дип әйт" темасына бердәм тәрбия сәгате үткәрде. Укучылар тәрбия сәгатендә төрле блокларда эшләделәр.

Гомуми блокта Ышаныч телефонының тарихын искә төшерделәр, группаларга бүленеп төрле ситуацияләрне чиштеләр.

Мәгълүмат блогында ышаныч телефоны турында үз фикерләрен җиткерделәр.

Укучыларыбызга кеше тормышында иң

мөһиме гаилә,гаилә членнары арасында җылы мөнәсәбәт,

гаиләдәге кешеләргә карата ихтирам, хөрмәт хисе тәрбияләү

максатыннан бүген  мәктәбебездә"Гаилә - җылы учак" исемле кичә үткәрелде. 

Кичәдә әниләр, авылыбызда дин сабакларын өйрәтүче Миннегулова

Ризәлә апа катнашты. Кичәдә укучылар башкаруында матур җырлар 

яңгырады, Р.Фәхретдиннең "Туганнар әдәбе" өйрәтмәләреннән акыллы

киңәшләр искә алынды. 

Бүген мәктәбебездә Думаның мәгълүмат комитеты озын тәнәфестә укучыларны

Татарстан Республикасында 15 май - СПИД тан үлгән кешеләрне искә алу көне

уңаеннан билгеләнеп үтелүе турында мәгълүмат бирде. 10-20 май аралыгында 

барлык медицина оешмаларында  " Үзеңне тикшер! - язгы тестлар үткәрү атналыгы " 

акциясе үткәрелүен әйттеләр. Спорт комитеты "Без сәламәт  яшәү рәвеше яклы!" девизы

белән укучыларга эмблемалар ясаттылар.

В 4 классе прошла Всероссийская проверочная работа по русскому языку. Учащимся 4 класса ещё предстоит выполнить работу по предметам математика и окружающий мир.

Хөрмәтле укытучылар,укучылар! Сезне Бөек Жиңү Көне белән тәбрик итәбез. 71 ел элек дөнья тарихында күпме канлы эзләр, күпме күз яшьләре калдырган Бөек Ватан сугышы тәмамланды. Җиңү көне – һәркайсыбызга якын, кадерле бәйрәм. Шушы якты матур көннәрдә барыгызга да сәламәтлек, бәхетле һәм тыныч көннәр телибез.

Бүген, 8 май көнне, Олы Арташ төп мәктәбендә 9 май – Җиңү бәйрәменә багышланган митинг үтте. Чарада Саба муниципаль районы башлыгы урынбасары,авыл җирлеге башлыгы, авылда яшәүче тыл ветераннары, сугыш чоры балалары, мәктәп укучылары катнашты. Илебез күгендә тынычлык урнашуына быел 71 ел тула. Укучылар көче белән әзерләнгән чара тәкъдим ителде. Мөхтәрәм өлкәннәребезне мәктәп директоры Гөлнур Вакыйф кызы тәбрикләде. Ул 9 Майның бөек хәтер көне булуын ассызыклады, фронтның алгы сызыгында фашистларга каршы аяусыз көрәшкән солдатларга, барлык авырлыкларны, кайгыларны күтәргән тыл ветераннарына бүгенге имин, тыныч тормышыбыз өчен ихлас һәм чиксез рәхмәт сүзләрен җиткерде. Ветераннарны Арташ авылы җирлеге башлыгы Алмаз Рәхимҗан улы котлады. Бәйрәм чарасы мәктәп ашханәсендә бергәләп чәй эчү белән тәмамланды.

Бүген тормыш иминлеге нигезләре укытучысы Дәүләтгәрәев З.С.

Икшермә гадәттән тыш хәлләр оешмасы начальнигы Сәләхиев Ф.Ф.

катнашында ачык дәрес үткәрде.