Хөрмәтле ир- ат укытучыларыбыз, малайлар һәм егетләр! Сезне чын күңелебездән 23 февраль — Ватанны саклаучылар көне белән котлыйбыз. Сезгә тыныч күк йөзе, ныклы сәламәтлек, бәхет, муллык , һәр эшегездә уңышлар теләп калабыз.

Сез булганга имин булып ата таңнар.

Тыныч-матур тормыш белән үтә айлар.

Бәйрәмегез котлы булсын, ир-егетләр.

Мәңге тыныч, имин торсын җирләр-күкләр.

Мәктәптә Туган тел көннәре бара. 4нче сыйныф укучылары "Хикмәтле дә, бизәкле дә Туган тел"темасына әдәби газета чыгардылар.

17нче февраль көнне мәктәптә Бөтенроссия “Кайнар йөрәк” иҗтимагый – дәүләт инициативасына багышлап Батырлык дәресләре үткәрелде. Укытучылар укучыларга төрле ситуацияләрдә: суга батуны коткарганда, янгын вакытында коткару, гадәттән тыш вакыйгалар булган очракларда балалар күрсәткән батырлыклар турында сөйләп, ярдәмчел, кеше кайгысына битараф булмау кебек төшенчәләр турында аңлаттылар.

15нче февраль көнне мәктәп күләмендә патриотик – шагыйрь Муса Җәлилнең 110 ел тууына багышланган “Каләмне корал итеп” дип аталган әдәби сәгать үткәрелде. Шагыйрьнең иҗаты, тормышы турындагы китап күргәзмәсенә күзәтү ясалды, Җәлил һәм җәлилчеләргә багышланган викторина үткәрелде.

13 февраль мәктәптә 1 класслар өчен зур бәйрәм - Әлифба бәйрәме үтте. Бәйрәмне сыйныф җитәкчесе Мөхәрләмова Г.Т. оештырды. Укучылар бу бәйрәмгә бик тырышып әзерләнделәр. Кичә бик күңелле узды.

13нче февраль көнне "Лыжня России-2016"дип исемләнгән чаңгы ярышы уздырылды. Әлеге чарада барлык мәктәп коллективы катнашты.

Мәктәптә Муса Җәлил көннәре дәвам итә. Укучылар тарафыннан герой-шагыйрь

Муса Җәлилнең тууына 110 ел тулуга багышланган газета чыгарылды.

Бүген 7-9 нчы сыйныф укучылары арасында чаңгы ярышлары булып узды. 1нче урынга Гайсина Инзилә,Җәләлетдинов Дилүс, 2нче урынга Нургалиева Лилия, Гаялетдинов Альмир, 3нче урынга Гасимуллина Язгөл һәм Галимуллин Фаяз ия булды.