Бу атна эчендә "Кошлар- безнең дусларыбыз"  проекты буенча эшлибез. Балалар белән рус теле эшчәнлегендә  яз турында  һәм язның ин беренче кошлары хакында сөйләштек,  презентация ярдәмендә аларның тавышларын тыңлап, уеннар аша күчмә кошларны аерырга өйрәндек.

Көннәр аяз, күктә алсу

Нур сибеп кояш көлә.

Җиргә тама көмеш тамчы –

Сагынып көткән яз килә.

Әйтегезче,кайсы вакыт

Яздагыдан ямьлерәк?

Кыш айларын да яратам,

Әмма яз күңеллерәк.

Көннәр җылы, күктә алсу

Нур сибеп кояш көлә,

Җәйге шатлык, көзге бәхет

Яз белән бергә килә.

Балалар белән  яз турында русча җөмләләр төзеп картиналар буенча  сөйләргә өйрәнәбез. 

Балалар бүгенге эшчәнлектә умырзая- чәчәге белән таныштылар. Аның кар астыннан иң беренче шытып чыккан чәчәк икәнен белделәр. "Унике ай" әкиятен дә искә төшерделәр. 

Мәктәпкә әзерлек төркеме балалары белән саннарны тану, геометрик фигураларны, арифметик мисалларны чишү өстендә һәрвакыт эшләп торабыз.

Язның иң матур лалә чәчәкләрен бүгенге кисеп ябыштыру эшчәнлегендә ак битләргә ябыштырдык һәм күп кенә төрле чәчәкләрнең исемнәрен искә төшердек.

Ял вакытларында рәсемнәр дә буярга яратабыз.

Бүген бакчабызда әниләребезгә, кызларыбызга, әбиләребезгә карата 8 март Халык-ара хатын- кызлар көне белән котлап кичә булып узды. Максатыбыз 8 март бәйрәме  турындагы белемнәрен тулыландыру. Әбиләргә, әниләргә ихтирамлы мөнәсәбәт тәрбияләү,сәнгатьле сөйләү күнекмәләрен өйрәтүне дәвам итү иде.

Йөрәгемнең иң түрендә

Иң кадерле әнием!

Яхшылыкта, яманлыкта

Әниемә тиң – илем!

Кичәбезнең беренче өлешендә балалар әниләрен  бәйрәм белән котласалар, икенче өлешендә кызлар белән әниләр үзара уеннар уйнап үзләренең зирәклекләрен, осталыкларын күрсәттеләр.

Сезгә чәчәкләр китердек,

Төрлесен , хуш ислесен.

Юлыбыз гөлгә күмелсен

Безгә җиңү китерсен.

Безнең әниләр генә түгел, хәтта кызлар да әниләренә матур прическа ясый беләләр.