Мин бәхетле гаиләм белән,

Яшимен әти-әнием белән!

Татулык - гаиләбез нигезе!

Әби-бабам иң кадерле кеше!

Мин бәхетле гаиләм белән,

Яшимен туганнарым белән!

Нәселебез дәвамчысы - мин, беләм!

Горурланам гаиләм белән!

                              Нурзия Мирхазова           

     Зурлар төркеме балалары "Мин бәхетле гаиләм белән!" темасына интегральләшкән белем бирү эшчәнлеге үткәрде. Балалар үз гаиләсе, турында сөйләп иптәшләрен таныштырды. Әти-әниләренең кайда кем булып эшләүләрен, ял көннәрен ничек уздыруларын сөйләделәр.  Балалар дус - тату гаиләләрен рәсемдә чагылдырдылар.

Язучылар (А.Алиш, Р.Миңнуллин һ.б.) әсәрләренә кызыксыну уяту, аларның әкиятләре, хикәяләре, шигырьләре аша балаларда уңай, әхлакый сыйфатлар тәрбияләү.Язучыларның тормыш юлын, иҗатын өйрәнүне дәвам итү; язучыларның китаплары һәм иллюстрацияләре аша әсәрләрен искә төшерү, сорауларга тулы җавап бирергә өйрәтүне дәвам итү; язучыларга карата ихтирам хисе тәрбияләү максатыннан 15-19 май көннәрендә "Язучыларыбыз иҗаты" атналыгы үткәрелде. Зурлар төркемендә практика узучы Ләлә Вахитовна Роберт Миңнуллиинның "Камка" шигырен укып таныштырды. Камканың табигатьтә нинди урын алып торуын,  нинди файда китерүен аңлатты.  Әстерхән чикләвеге кабыгы, пластилин кулланып камка ясарга өйрәтте.

Батырлыкны эшли ала

Бөтен кеше дә.

Аның өчен кирәк түгел

Алып көче дә.

Ә моның өчен:

Яратырга кирәк бары

Туган җиреңне,

Әти - әниеңне,

Туган илеңне.

Мәктәпкә әзерлек төркеме балалары Ләйсән Хаҗиевна, Алсинә Фаиловна белән берлектә мәңгелек ут, билгесез солдат һәйкәленә экскурсия оештырдылар. Районыбыз геройлары Закиров Гали Закир улы, Хәбибуллин Зәки Хәбибулла улы, Хаҗиев Вәлит Хаҗиәхмәт улы, Башкиров Иван Сергеевич, яу кырында ятып калган батырларны, тылда хезмәт куючыларны, алар истәлегенә 9 май көнне һәйкәл янына бик күп чәчәкләр салынуын, салют атуларын искә алдылар.

Мәктәпкә әзерлек төркеме балалары Саба районы туган якты өйрәнү музеена экскурсиягә барлдылар. Музей җитәкчесе Резеда Сунгатова балаларны Бөек җиңүнең 72 еллыгын чагылдырган стендлар, районыбыз хезмәткәрләре, батрылары, сугышчылар, тыл ветераннары, танылган шәхесләре белән таныштырды. Музейда булган тарихи фотолар, экспонатлар балаларда зур кызыксыну уятты. Экскурсиянең тәрбияви асылы балаларда патриотик хисләр уяту, яу кырында ятып калган сугышчыларны искә алу, яшьли тылда авыр хезмәт башкарган абый-апаларга карата хөрмәт, игътибарлылык тәрбияләү.

Искә ала бүген Ватаныбыз

Шаулап үткән көрәш елларын.

Данлый, зурлый һәм хөрмәтли

Курку белмәс батыр улларын.

Бүген халкыбыз Бөек Җиңүгә 72 ел тулуын билгеләп үтте. Бакчабыз хезмәткәрләре сугыш кырында ятып калган каһарманнарны, батырларны, тыл да хезмәт куйган абый-апаларны искә алу, аларның бердәм, сабыр, түзем, җиңүне якынайту өчен куйган тырышлыкларын данлап үткәрелгән чарада актив катнашып бер минутлык тынлык белән билгеләп үтте.

Җиңү көне иң зур бәйрәм —

Туп тавышы тынган көн.

Сабый бала саф күзләрен

Кырда түгел, карда түгел,

Бишегендә йомган көн.

Җиңү килде җирне нурга күмеп,

Шатлык белән күзне чылатып.

Килде ул көн — горур күкрәкләрдә

Орден-медальләрне чыңлатып.

Бөек Җиңүгә 72 ел тулу уңаеннан бакчабызда "Җиңү алып килгән яз!" исеме астында бәйрәм иртәсе үткәрелде. Уртанчылар, зурлар, мәктәпкә әзерлек төркеме балалары белән батыр егетләребез һәм кызларыбызны искә алып җырлар, шигырьләр башкарылды. Бөек Ватан сугышында катнашып кайтмый калган шагыйрь, язучыларыбыз искә алынды, презентация күрсәтелде.

Бакчабызның тирә-юнен матурлау, ямьләндерү, яшеллекне үстерү буенча  буенча даими эш алып барыла. һәр елны язын, көзен бакчабыз биләмәсендә агач, куаклар утыртыла. Кичә зурлар төркеме балалары Ләйлә Исмагиловна белән берлектә Себер нараты утырттылар. Балалар агачның биек булып үсүен теләп су сиптеләр.