Бүген бакчабызда һөнәри бәйрәмебез –Тәрбиячеләр көне. Балалар иртә белән үк чәчәкләр күтәреп бәйрәм рухы белән бакчабызга килделәр. Тәрбиячеләрне балалар һәм  әти- әниләр бәйрәм белән  котладылар. Тәрбиячеләр көне уңаеннан балалар җыр, бию, шигырьләрдән, сюрпризлардан төзелгән концерт куйдылар, тәрбиячеләргә үз куллары белән ясалган бүләкләрен тапшырдылар.

        Барлык хезмәткәрләрне өлкән тәрбияче Халитова Флюзия Рафаиловна тәбрикләде. “Тәрбияче хезмәте – авыр һәм фидакарь хезмәт. Ул даими рәвештә һөнәри яктан камилләшү, көч-энергия һәм бик зур сабырлык сорый. Тәрбиячегә беркайчан да җиңел булмады.Тормыш сезгә һәрвакыт югары таләпләр куйды. Бүген алар күп тапкыр артты. Без яңалыкка омтыла торган гасырда яшибез һәм бүген искечә эшли алмыйбыз: заман үзгәрә, яңа мәгариф стандартлары кертелә. Хөрмәтле тәрбиячеләр, һөнәри бурычыгызга тугъры калуыгыз һәм балаларга күрсәткән игътибарыгыз өчен рәхмәт. Хөрмәтле тәрбиячеләр! Көчегез төкәнмәвен, эшләү дәрте сүрелмәвен, балалар белән үзара аңлашу һәм һөнәрегезгә тугрылык телибез. Һәрвакытта һәм һәркайда уңышлар юлдаш булсын!” -дигән теләкләрен җиткеде. Ахырдан Республика август киңәшмәсендә эш тәҗрибәсен уртаклашкан, ачык чаралар күрсәткән тәрбиячеләргә балалар бакчасының мактау грамоталары тапшырды.

Тәрбияче кеше гыйлем иясе дә,

Әни кебек үзе мөлаем.

Зирәк сүзен кызганмаган

Бу дөньяда бар соң кем тагын?

Тәрбияче мәңге онытылмый

Хөрмәт-сөю һәрчак саклана.

 Сабыйлары оясына очкан коштай

Вакыт табып сагынып кайталар.

Быел бакчабызда алма бик күп булды. Балалар һәр көн тәмле алма белән сыйланалар.

"Яхшы сүз- җан азыгы" темасы буенча атналык проектлар үткәрелде. Балалар белән матур итеп сөйләшү әдәбе буенча төрле чаралар үткәрдек. Йомгаклау чарасы итеп “Әхлак төбе- матур гадәт” –курчак театрын тәрбиячеләр балаларга күрсәттеләр һәм  һәм татар халкының җырлы уеннарын уйнаттылар.

Хезмәттшләребез, озак еллар тәрбияче булып эшләгән Муллахметова Тәслимә Камилевна һәм повар Нуруллина Рузия Габдрахмановналарны коллектив һәм район мәгариф бәлегенең профсоюз председателе Гузялова Г.М. юбилейлары һәм лаеклы ялга китүләре белән котладылар.  Аларны озату кичәсендә истәлекле вакыйгалар искә төшерелде, котлау, җырлар яңгырады. Шулай Ук Тәслимә Камилевнаны районның август киңәшмәсендә дә Рәис Нургалиевич тәбрикләде. Аларга лаеклы ялда сәламәтлек, күңел тынычлыгы, шатлыклар телибез.

Белем көне – балачак хатирәсе булып һәрберебезнең күңел түрендә саклана торган көн ул. Иң матур кеше – белемгә омтылган кеше. Белемдә – бәхет, белемсезгә – дөнья ләхет, ди бит татар халык мәкале дә. Шуңа күрә һәрчак белемле булыйк, белемгә омтылыйк! Без 1 сентябрь- белем бәйрәмен уздырдык. Бәйрәмг Көлдермеш килеп балалар белән уеннар уйнады, өйрәнгән җыр, бию, шигырьләр яңгырады. Барлык балаларга да сәламәт булып, күп белем үзләштерергә, тәртипле, акыллы булырга язсын!

Республика күләмендә семинар үткәрүдә актив катнашкан өчен вгуст киңәшмәсендә  "Кыңгырау" балалар бакчасы коллективы Саба районы мәгариф идарәсе начальнигы тарафыннан РӘХМӘТ ХАТЫНА  ия булды.

Татарстан Республикасы мәгариф һәм фән хезмәткәрләренең август киңәшмәсендә бакчабыз балалары ТР Премьер-министры Илдар Халиков, ТР Дәүләт Советы Рәисе Фәрит Мөхәммәтшин һәм башка кунакларга смарт өстәл белән шөгыль күрсәттеләр. Балалар өстәлләрнең кызыклы, мавыктыргыч һәм бик уңайлы булуын әйттеләр.

“Смарт” компаниясе вәкилләре шөгыльне оештырган тәрбияче Хазиева Алсу Габделхамитовнага “Рәхмәт хаты”, балаларга бүләкләр тапшырдылар.

Бакчабызда республика август киңәшмәсе "Балалар бакчасында полилингваль белем бирү" темасы буенча үткәрелде.  Республикабызның төрле төбәгеннән килгән кунакларны балалар ипи, тоз, "Кыңгырау" гимны, матур җыр, бию, шигырьләр, "Яшь инспекторлар", "Яшь экологлар", "Яшь спортчылар","Нәни сабалылар" сәламе белән каршы алдылар.

Беренче көн тәртибе буенча Плотникова Л.А. смарт  өстәлләр, интерактив такта, аларны куллану тәртибе, балалар белән шөгыльләр үткәрү, программалар кертү бенча  презнтация үткәрде. Смарт өстәлләр ярдәмендә тәрбияче Хазиева Алсу Габделхамитовна зурлар төркеме балалары белән "Спорт -сәламәтлек нигезе" темасына ачык шөгыль күрсәтте. Балалар смарт өстәлләрне бик кызыксынып, яратып кабул иттеләр, анда төрле биремнәрне чиштеләр,  уеннар уйнадылар, олимпиада турындагы белемнәрен ныгыттылар.