Бүген  бакчабызда "Җиңү кайтавазы мәңгелек" дип исемләнгән 9 май -Җиңү көненә багышланган бәйрәм иртәсе узды. Зурлар төркеме балалары , Бөек Ватан сугышы китергән ачы хәсрәтне,  күз яшьләрен ,кешелек дөньясы көткән Җиңү көненең мөһимлеген шигырьләр,  җырлар , биюләр аша күрсәттеләр. Балаларда Ватаныбызга карата  мәхәббәт, горурлык хисләре тәрбияләнде.

Бүген безнең сөекле шагыйребез Габдулла Туөкайның туган көне. Бу бәйрәмне бөтен татар халкы билгеләп үтә. Габдулла Тукай иҗаты балар бакчасында да тирәнтен өйрәнелә. Бүген Сабабызның мәдәният йортында да "Без Тукай шәкертләре" дип исемләнгән күңел ачу кичәсе үткәрелде.Бәйрәмдә балалар сөекле шагыйрьнең җырларын, шигырьләрен яттан сөйләп,җырладылар.Әкият герое- Шүрәле бәйрәмгә ниндидер бер ямь өстәде. Мәктәпкә әзерлек төркеме балаларына кичә бик охшады.

Уртанчылар төркеменә йөрүче Мустафина Азиза,  бию түгәрәге коллективы белән  Казан каласында үткән "Биеп яшик" дигән конкурста катнашып II дәрәҗәдәге дипломга лаек булды.

Г.Тукай әкиятләрен уку, сәхнәләштерүгә әзерлек мәктәпкә әзерлек тәркеме балалары.

Бармак уеннары сабыйлар усешендә зур роль үти. Андый уеннар баланың баш миен эшләтә һәм тизрәк «телен ачарга» ярдәм итә.  Бармаклар белән төрле күнегүләр ясау, аларны төрлечә хәрәкәтләндерү – баланың сөйләмен үстерүдә уңай шарт булып тора. Балаларның бармакларын ныгыту өчен “Бармак театры” оештыру бик файдалы. Бармакларның хәрәкәтчәнлеген үстерү буенча эшне даими рәвештә алып барырга кирәк, чөнки шул вакытта гына ул файдалы була. Күнегүләр балаларны ардырмаска һәм күтәренке кәеф белән эшләнергә тиеш. Уртанчылар төркеме балалары да бик яратып һәм теләп бармак театрлары күрсәтәләр.

 Мәктәпкә әзерлек тәркеме балалары, ял сәгатендә татарча мультфильмнар карыйбыз.

Бүген, 1 кечкенәләр төркемендә балалар предметларның үзенчәлекле яклары белән таныштылар. Суда нәрсә бата, нәрсә калкып чыга икәнен белделәр. Төрле предметлар: кәгазь көймә, уенчык пароход йөздереп карадылар. суга таш салып, аның төпкә киткәнен күреп, авыр предметларның суд батуына тәшенделәр.

"Хезмәте барның-хөрмәте бар "-дип юкка гына әйтмәгәннәр. аваырлыктан курыкмыйча эш сөйгән,кулыннан эш килгән кешене бар да хөрмәт итә.Без дә бакчабызда тәрбияләнүче балаларны хезмәтне сөяргә өйрәтүдә, төркем бүлмәсендәге уенчыкларны юабыз,тузаннарны сөртәбез.Максат итеп:төркем бүлмәсендә тәртип,пөхтәлек саклауны күнектерү,көндәлек вазыйфаның көн саен үтәлергә тиешле мәҗбүр эш икәнен аңлату.

Уртанчылар төркеме балалары танып белү эшчәнлегендә : “Җирдә нәрсәләр бар?” дигән темага тәҗрибә үткәрделәр.  Алар лупалар ярдәмендә комны, кызыл балчыкны, ташны һәм туфракны күзәттеләр, аларның сйфатын билгеләделәр. Бала тәҗрибәләр, эзләнүләр вакытында яңадан-яңа белемнәргә омтыла, иҗади фикерләргә, нинди булса да проблеманы чишәргә, уйланырга, төрлечә фикер йөртеп карарга һәм үз чиратында мөстәкыйль үсеш юлына басарга өйрәнә.