29 нчы декабрь көнне мәктәбебездә профсоюз членнары һәм аларның балалары өчен Яңа ел бәйрәме үткәрелде. Бәйрәмдә күп төрле сюрпризлар, Кыш бабай белән Кар кызының котлавы һәм искиткеч концерт номерларын тамаша кылырга мөмкин иде.  

 Ап-ак карларга уралып

 Син киләсен, Яңа ел!

 Ак карлардай ак бәхетле,

 Булсын безнең яңа юл.

 Тынычлык булсын илдә,

 Елмайсын йөзләр гел дә!

 Күк йөзендә кояш безгә,

 Нурларын сипсен гел дә!

 Эшләребез уң булсын,

 Тик шатлыклы минутлардан

 Безнең гомерләр торсын!

 Яңа ел котлы булсын!

P.S. Бәйрәмне оештырган профсоюз комитеты рәисе Шакирова Марсилә Мәҗит кызына зур рәхмәтебезне белдерәбез!

Бүгенге көн күңелле вакыйгаларга бик бай булды. Иртәнге аштан соң укучыларыбыз район үзәгенә экскурсиягә кузгалдылар. Анда кар шәһәрчекләрендәге гаҗәеп сыннарга сокланып, боз тауларыннан шуып, рәхәтләнеп уйнадылар. Кайтканнан соң, “Күңелле стартлар” уены үткәрелде.

 Районыбызда соңгы елларда төрле оешма-предприятиеләрнең мәктәпләргә спонсорлык ярдәме күрсәтүләре артты. Бу уку елында мәктәбебезнең өстәмә белем бирү юнәлешен үстерүгә түбәндәге спонсорларыбыз зур ярдәм күрсәтте:

  “Татмитагро” оешмасыннан бирелгән 20.000 сум күләмендәге спонсорлык ярдәменә  “Выжигание” түгәрәге өчен барлык кирәк-яраклар һәм эш кораллары (24 шт. фанера -11.000 сум, пычкы-чүкечләр, агач белән эшләү өчен инструментлар һ.б.ш. – 9.000 сум) алынды.

  “Жилэнергосервис” – 10.000 сум  - “Оста куллар” түгәрәге өчен тотылды. Кул эшләре өчен кирәк булган барлык төр материаллар: бәйләү, тегү, чигү җепләре, тукыма, төсле кәгазь, энәләр, клей, кайчы, кул эшләрен куяр өчен рамкалар һ.б.ш.лар алынды.

  “Лукоз Саба” – 15.000 сум, ООО “Саба” – 12.000 сум, “Агрогазсервис” – 10.000 сум һәм 3.000 сум - КФХ “Ахатов” тан бирелгән спонсорлык ярдәме спорт түгәрәкләренең материаль-техник базасын баету өчен тотылды.                                                                    “Волейбол” һәм “Мини футбол” түгәрәкләренә – 6 шар шт. туп, “Хоккей” түгәрәгенә - 5 пар тимераяк, 12 шт. клюшка алынды.   

   ИП «Ахметов В.Г.» - 3.000 с. һәм ИП «Назипов» - 1.000 с. күләмендә бирелгән ярдәмгә тавыш көчәйткеч колонкалар алынды.                                                                                                    

Без чын күңелебездән спонсорларыбызга олы рәхмәтебезне белдерәбез һәм киләчәктә дә эшләрендә зур уңышлар, сәламәтлек телибез.

Иртәнге аштан соң укучылар спорт түгәрәгендә “Күңелле стартлар” уены уйнадылар, аннан соң көнне “Светофорда кунакта” викторинасы дәвам итте. Шулай ук “Кышкы уеннар” үткәрелде, шугалакта тимераякта шудылар. Саф һава сулап кергәч,төшке аштан соң “Чәчтарашханә” уены булды. Кызлар бер-берсенә матур-матур прическалар ясадылар ә малайлар жюрида утырды.

27 нче декабрь көнне мәктәбебездә ата-аналар җыелышы булып үтте. Анда түбәндәге мәсьәләләр каралды: II чиреккә йомгак ясалды, ата-аналарга балаларның сәламәтлеге һәм иминлеге турында аңлатылды (укучыларның киемнәрендә яктылык кайтаргыч элементларның булырга тиешлеге, юлда йөрү кагыйдәләре турында), 71 нче закон турында искәртелде, укучыларның туклану мәсьәләсе каралды. Соңыннан җыелыш классларда дәвам итте.

Көн бик уңышлы үтте. Укучылар китапханәгә барып күп мәгълүматлар алдылар, үзләренә укырга әдәби китаплар сайладылар, хореография түгәрәгендә шөгыльләнделәр, инглиз теле шөгылендә катнаштылар, пешекче апалары әзерләгән тәмле ризыклар белән сыйландылар.

   Көн иртәнге зарядка белән башланып китте. Иртәнге аштан соң укучыларны спорт түгәрәкләрендә эш, “Тапкырга - табышмак” бәйгесе, таудан чана шуу һәм “Зәлидә” уены көтә.

    25 нче декабрь көнне XI сыйныф укучысы Габделхакова Айгөл башкалабыз Казанда Президент елкасында булып кайтты. Айгөл бу мәртәбәле чарага район Балалар думасы спикеры вазыйфасын җаваплы башкарганы өчен һәм мәктәбебезнең иң актив, тырыш укучысы буларак тәкъдим ителде.

   Укучылар лагерьга бик теләп йөриләр. Бүген алар саф һавада чаңгыда шудылар, оригами серләренә төшенделәр, “Әкияттә кунакта” һәм “Сәлам юллыйм” тапшырулары оештырдылар. Соңыннан бәйрәм дискәтүге булды.